Hosea 7:3 - Angami Naga CL (Re-edited) Bible (BSI)

³ Uko kerüzhüko se uko kediu nei chüya, tsiu uko meda di kezhako nei chüya.

Hosea 7:3 Iomraidhean Croise

Kediko Kerieu 22:13

Sitse dieliemia Mikaia ki kevo-ue sie puo ki, “Harie, siedzekesiko diepuochü di kediu la viketuo dze pu phrete, n die bu rei uko die kemhieliecie, sidi viketuo dze puliecie,” silie.

Kediko Kerieu 22:6

sitse Israel kediue siedzekesiko kie kengulie, uko mia krie dia mese, sidi sie uko ki, “A bu vo Ramot-gilid nu terhü chü tuo mo, a bu terhü chü hienu ta?” Sitse ukoe sie puo ki, “Khocie, kekreilamonyü Jihovae süu pie kediu dzie nu shüwatuo üzhie,” si.

Jeremia 37:19

N siedzekesiko n ki siedzedie pu di, ‘Babilon kediu vor no mu n kijüu perhielie lho,’ isi ketuoko kirapuo tuota ga?

Jeremia 5:31

Siedzekesiko ketijü siedzedie pu, mu zievokoe siedzekesiko pukeshü medzi di mha kekha; a themiakoe sikecü u neite, derei nieko puo thela kevor nhie kedipuo chütuo ga?

Jeremia 9:2

He-i kijükesia nu rüvemia la pru puo ba ücü we, a themia khawa di süko kinu tuotatuomu ru! Kekreilamonyü uko pete rei pieü kechümia, kelhiekecü kro-u zo.

Hosea 10:13

Niekoe kerüzhü pelhoushü, nieko ketho kemo-u reliete, niekoe kemeda siu cüliete. Kekreilamonyü nie thuo nie kekuo, tsiu nie terhümiaviko kro pelete.

Hosea 11:12

Efraim-e tijü, tsiu Israel kinumia meda di a houpfülie; derei Juda tsie rei Ukepenuopfü ze tuo zo, mu Kemesau gei dietho ba zo.

Hosea 4:2

Rüsekecü, kemeda, mu kedukhri, tsiu kerügu mu pieüpiera kechü par, thezie pekrukecü sie pekru ba.

Hosea 5:11

Efraim mia bu puo pese, dienya nu mezhülie mo, kekreilamonyü puoe kemethuo sie whuo nyü beite.

Hosea 7:5

Hie kediu teiki kezhakoe zu kele la mhachü; puoe mia krenyüyakezhako ze di puo dzie yha.

Mika 6:16

Kekreilamonyü no Omri zhoko se bate, mu Ahab kiu mhatho pete chü, tsiu noe uko kepetha dieko medzi vote. Süla a n pekaperuowatuo, mu nie lhou kebako liro mia bu u rütsetatuo; sidi niekoe a themia krenyü pfütuo.

Mika 7:3

Uko dzie mha kesuo chü si seya; kezhako mu capimia rei theso chaya, tsiu kekuo se di uko kemenguu chüya; hakemhie di uko kethocau bie kediwate.

Rommiako 1:32

Ukepenuopfü zho nu hakemhie kechümia sia zhücü ukoe si ba zo, sirei ukoe mha süko chükecü zomonyü süko chüyakezha kekreimiako rei üse vi üya.

Johan Kerieu 4:5

Sükoe kijü nunu vor; süla uko kepukoe kijü nu dzeko puya, mu kijüu rei uko pfhe rünyüya.