Hosea 5:3 - Angami Naga CL (Re-edited) Bible (BSI)

³ A Efraim si, siro Israel a kinu rüshülie mo; he-i Efraim, no tsie thethe lie; Israel bie perhuwate.

Hosea 5:3 Iomraidhean Croise

Isaya 7:16

Kekreilamonyü u nuoyoe kesuou melie mu keviu keda silie kemonu, noe prei keba kedinie kijü ruotatuo.

Isaya 7:17

Jihovae no mu n themiako tsiu n puotsanuo kiu gei, Efraim-e Juda ze kekhoketa sie vor mo zoluokecü teisozha puo, Asiria kediu ze vorshütuo,” sita.

Isaya 7:5

Kekreilamonyü Aram-e Efraim mu Remalia nuou zelie di n ngukemvü mha kesuo rhü di sie,

Hosea 1:2

Jihovae Hosea geinu die pukeshü therie nu, Jihova Hosea ki, “Vo di n la thethepfü puo liepie n kimia chülie mu thethe nuonuo nyiliecie, kekreilamonyü Jihova khawa di kijüu thetheliethor bate.”

Hosea 12:1

Efraim-e teikhrie pfhe di, teisozha pete niathutsa teikhrieu whuo tuoya; ukoe kemeda mu zhosuo chü pekra miemieya, ukoe Asiria ze kepfhekholie, sidi tier toupfü Ijipt nu vo.

Hosea 13:1

Efraim die pukeshü ki, sünu perüsüta; puoe Israel nu puo chü kerükrielie; derei puo Baal geinu kephouma chüwa di siata.

Hosea 13:5

Ae rayha nu, kijü sotoikecüra nu n vachü kevor-u.

Hosea 5:11

Efraim mia bu puo pese, dienya nu mezhülie mo, kekreilamonyü puoe kemethuo sie whuo nyü beite.

Hosea 5:13

Efraim-e puo kechükenyüko ngushü, mu Juda puo rüzapfü ngushü tse, Efraim-e Asiriamia ki vota, sidi kedi kezhau ki ketseshü. Derei puoe n chü pevilie kenjü, morei n rüzapfü chü kemenelie kenjü.

Hosea 5:9

Efraim siazha khakeshü zha nhie kaüruotatuo; Israel seyieko donu kedipuo vor toutuo shicü a pesishütuo.

Hosea 6:10

Ae Israel kinu mha kemeriekecü ngu; Efraim thetheliecü sünu ba, Israel sü perhuwate.

Hosea 6:4

He-i Efraim, a n pie kedipuo chü ta? He-i Juda, a n pie kedipuo chü ta? N kekhrie-e khise kimhou tuoi zo; thezei ze mhaitayakezha mhie zo.

Hosea 8:11

Efraim-e ruosuoba chü pekralie di kephouma chü kemesatuoü kesie ki, ukoe phoumaketuo ruosuoba chüta.

Amos 3:2

Kijü nu seyie pedekejüko donu ae nie rübei sikecü zo; süla nie kejokemou pete la a siazha khapie nie tsütuo.

Amos 5:12

Kekreilamonyü a nie kejokemou kide ba shi, tsiu nie kephouma kide zha shi si ba, nieko kemiathomia pechü, tsiu theso lie, sidi ketsopfhümia khupie kharu khie shüwaya.

Pulakeshüzho 33:17

Puowe kevi thudonuo nuorie tuoi zo, therhu sü puo vie! Puo kia sü nhathudo kia tuoi zo; puo kia pie mia thutuo, sidi süko whuopie kijü vala nu shüwatuo, Efraim phrü hulie kelhoko sü si zotuo, Manasseh mia nyienyieko si zotuo.

Ibriko 4:13

Mu puo mhodzünu chüpie keba kerheiro puorei rüshükelie jü, sizomonyü we puo mhodzünu u thuo u rüli pie pu phre zoketuou mhi nu zowe mha peteko hielapie meyiemeluopfü ba zo.

Pesikeshü 3:15

“A n mhathoko si; no meku rei mo, le rei mo. No meku morei lecü we a neituomu ru.