Hosea 4:3 - Angami Naga CL (Re-edited) Bible (BSI)

³ Süla kijüu kra bate, sidi puo nu lhou keba pete theziekejü chü bate; siro nhachüko mu teirako rei sa di, dzükezha nu khuoko rei katazhie.

Hosea 4:3 Iomraidhean Croise

Isaya 33:9

Kijüu kra mu meziete; Lebanon-e puo ziejü di rüwite, Sharon-e kijükesia tuoite; tsiu Bashan mu Karmel seiboko nyü piete.

Jeremia 12:4

Kichiepuo kijüu bu meheimelo, mu lie pete nu nha bu rüwizhü ta? Sünu kelhouko rügerüzhü la khunuoko mu perako tshowate, mu themiako sie, “Puo u rüliko kitsa lawe puo mhicie,” iya.

Jeremia 23:10

Kekreilamonyü kijüue pieü thuo tshute; rüse la nu kijüu thekrü chüya, tsiu rayha nu kirituoko sote. Uko medzikezha chau suo, tsiu uko kekuou puotou mo.

Jeremia 4:25

A meho sie ru harie, miapuorei tuo mo, tsiu teirako pete pruota.

Jeremia 9:10

Kijüthouko la kra mu thekrü chücie, tsiu rayhau nu nha kepejoko la thekrü chücie, kekreilamonyü süko vawatuo miapuorei süko pfüthe volie lho, siro periko mokecü pfhe rei silie lho; teirako tsiu khunuoko tate di tuo mote.

Jeremia 9:9

Mha hako la a siazha pie uko tsü zhü mo üme? Jihovae siya; tsiu seyie haikecümia gei a khepukecü mese mo üme?

Ezekiel 38:20

dzükezha nu khuoko, teirako, mu kijü nu gou ketuo khunuoko, kijü zie gei themia pete, a mhodzünu shükenieshütuo. Sitse kijüthouko tetsutatuo, mu kijü khieheko metatuo, tsiu sozha pete te kijü tsutatuo.

Joel 1:18

Kiüdi khunuoko ruorüite shi! Khurinuoko yotuote, uko la nha jüketa la; tekuokro-u zorei kemezhie bate.

Amos 1:2

Sitse puo sie: Jihova Zion geinu shiekhoui bate, tsiu Jerusalem nunu puo pfhe phrashü bate; kuopfhemia thutuo nhako rüwita, mu Karmel mezüu sote.

Amos 5:16

Süla Jihova, krodiko Kepenuopfü, Niepuue puya: Zieke pete nu kra batatuo; tsiu cha pete nu ukoe, “Ayah! Ayah!” ibatatuo. Ukoe kraketuo la lieciemia kietuo, tsiu thekrü chü kesimia bu krashünu kietuo;

Amos 8:8

Mhatho hako la kijüu pe, tsiu sünu keba pete kra bata mo me? Siro süu pete Nail dzüdi tuoi siertuo, mu Ijipt nu Nail tuoi sier tsiu rüle latatuo.

Nahum 1:4

Puoe dzükezha kerhieshü sidi süu bie pesowaya, mu puoe kerü pete bie pesowa; Bashan mu Karmel rüwitaya, tsiu Lebanon pou rataya.

Zefania 1:3

A khunuo mu themia rhesetatuo; a teirako rhesetatuo, tsiu dzükezha nu khuo rei. A kerüzhüko bu u phi mesülietuo. A kijüu zie geinu themiako dathewatuo, Jihovae siya.

Zekaria 5:4

A süu ketseshüte, krodiko Jihovae siya, mu süu kerügumia ki nu letuo, mu a za se tijü di rüseyakezhamia kehoupuorei ki nu letuo; sidi ki sünu batatuo sidi puo cü pejüwatuo, sei mu ketsie rei.”