Hosea 4:2 - Angami Naga CL (Re-edited) Bible (BSI)

² Rüsekecü, kemeda, mu kedukhri, tsiu kerügu mu pieüpiera kechü par, thezie pekrukecü sie pekru ba.

Hosea 4:2 Iomraidhean Croise

Keriekitho 4:8

Süsie Kain-e puo siezeu Abel ki, “Avu lie nu tsu khe,” si. Hai di unie tsu lie nu ketuo ki Kain-e puo siezeu Abel gei puo nei mo sier di puo dukhriwa.

Isaya 24:5

Kijüu puo gei lhou kebako khronu puo perhu pfüzhüte; ukoe thezhoko vacie, rhükelie zhoko varhuo, di telhekechachie diekho-u varhuowa.

Isaya 48:1

Hau rünyüshücie, he-i Jakob kinuko, Israel za se u kieyakecüko, Juda va nunu keparko; ketho mu kemezhü nu mo di Jihova za se rüse, tsiu Israel Kepenuopfü kieyakecüko.

Jeremia 51:5

Israel mu Juda rükra mota lho uko Kepenuopfü, krodiko Jihovae uko khawa mo zo, uko kijüe Israel Kemesau mhodzünu kephouma thuo tshupfü zhüta zorei.

Jeremia 6:7

Dzükhou nu dzü bu rheirhiepfü bayakezha tuoi, puoe puo kesuo kechüko rheirhiepfü ba; mia pekakecü mu mha bie pesuokecü pfhe puo nou nu si; kesuokenyü mu rüzapfü a mhodzüki ba seite.

Thekrü 4:13

Puo siedzekesiko kephouma la, tsiu puo zievoko mha kesuo kechü la, ukoe u donu kemiathomia zie pekrukecü lanu zo.

Ezekiel 7:23

Thegiro chülie! Kekreilamonyü kijü nu thezie pekrukecü kephouma thuo tshupfü bate; nadiu zhosuo thuo tshute.

Hosea 10:13

Niekoe kerüzhü pelhoushü, nieko ketho kemo-u reliete, niekoe kemeda siu cüliete. Kekreilamonyü nie thuo nie kekuo, tsiu nie terhümiaviko kro pelete.

Hosea 10:4

Ukoe diethuo dieko puya; uko kemethuo rüse se dietseidiekhoko chü; süla tekhou doupie kezhü nu kenyakecü thereinha mhiei pou sierya.

Hosea 11:12

Efraim-e tijü, tsiu Israel kinumia meda di a houpfülie; derei Juda tsie rei Ukepenuopfü ze tuo zo, mu Kemesau gei dietho ba zo.

Hosea 12:14

Efraim-e mha kesuo chü seshü, süla puo Niepuu puo kejo-u pie puo gei shütuo, puo mia kengakeshü pie puo gei lashütuo.

Hosea 5:2

tsiu Shitim nu kheho kesou puo thielie; derei a uko pete pechütuo.

Hosea 6:8

Gilid sü mha kesuo kechü nadi puo, thezie kepekru nu vo.

Hosea 6:9

Miaviesekecümia mia la bayakezha tuoi, sütuoi zievoko kro puo chü, di uko cha nu mia dukhri vo Shekem tso, ukoe kejo kemeriekecü chü.

Hosea 7:1

A Israel chü keshürhokelie ki, Efraim mhatho kesuoko hielashütuo, Samaria kerüzhü mhathoko rei; kekreilamonyü ukoe meda, kerügumia kinu ler mu sekecü kro-u chazou mha pekatuo.

Hosea 7:3

Uko kerüzhüko se uko kediu nei chüya, tsiu uko meda di kezhako nei chüya.

Hosea 7:4

Uko pete pieüpieramia phre, ukoe miphu bie pelepie keba, niekhrüda keriemia niekhrüdau bu pou partuo üdi khrei sa pie thou nepie bakewa sie, niekhrüda keriemia mi chü la morei vicü tuoi.

Mika 3:2

Nie mha kevi ngumecü mu mha kesuou khrieyakezhako, a themia zhü lowayakezhako, tsiu uko ruko gei u chüko lowayakezhako;

Mika 3:9

Rünyüliecie, nie Jakob kiu kekhakezhako, tsiu Israel kiu krütako, kethoca rütseya, mu kemezhü pete bie kerüpfhiwayakezhako,

Mika 6:10

Kelhiecümia kinu kelhiekecü kinyiko, tsiu mha mejü petsakecüko a rükra motalie vi me?

Mika 7:2

Kemiathomia kijü nunu jüte, tsiu themia kemezhümia puorei ba mote; uko pete rei thezie pfhe zhüte, mu uko jal se di huoniehuo whuo tuote.

Zefania 3:1

He-i mesa mo, mu perhukewa, pechüpenyükecü nadiu!

Zekaria 5:3

Sitse puo a ki, “Rüse hau kijü pete mhogei voya, kekreilamonyü kehoupuorei rüguyakezhamia latsa thupie ketuo tuoi dathewatuo, mu kehoupuorei tijü di rüseyakezhamia kekreitsa thupie ketuo tuoi dathewatuo.

Zekaria 7:9

Krodiko Jihovae puya: Kethocau chüshülie, ketseikevi mu ngukemezhie se huoniehuo gei shülie;

Mathi 23:35

Sidi Abel kemiatho-u zie nunu vo rüsuoki nu mu ruosuobanie donu nie puo dukhrikewa Barakia nuo Zakaria zie ketso kijü hau nu kemiathoko pete zie bu nie tsü gei vortuo.

Mhakechüko 7:52

Nieko puonuoko siedzekesimia pechüpenyü kemo huo ba üme? Uko thiedzü kemiatho lietho-u vorketuo dze pukeshü Ukepenuopfü dieliemiako dukhri, mu tsie nieko puo sewa mu dukhrikewamia chüte.

Pulakeshüzho 5:11

No kemethuo nu Jihova n Kepenuopfü za selie lho. Jihovae kemethuo nu puo za sekecümia pejo motalie lhocü la.

Pulakeshüzho 5:18

Morei pieü chü lho.

Pulakeshüzho 5:19

Morei rügu lho.

Thesaloniako Kerieu 2:15

sükoe Niepuu Jisu mu siedzekesiko rei dukhriwa, siro hie rei whuowa, uko Ukepenuopfü nei kemo chü tsiu mia pete petsou tuote,

Pesikeshü 17:6

Siro thenu süpfü kemesako zie mu Jisu zhapu chüyakezhako zie krie di meze keba ae ngu. Sidi a puo ngushü tse a ngothorta.