Hosea 4:1 - Angami Naga CL (Re-edited) Bible (BSI)

¹ He-i Israelmiako, Jihova dieu rünyüshücie, kekreilamonyü Jihovae kijü nu kelhouko pejo di petsou bate. Sünu kemiatho morei diethokecü ba mo, tsiu Kepenuopfü dze kesi rei ba mo.

Hosea 4:1 Iomraidhean Croise

Kediko Kerieu 22:19

Sitse Mikaia sie, “Süla no Jihova die rünyüliecie: Ae Jihova puo kediba gei ba di ngu, siro teigei krodiko pete puo dzie puo zatsatie tsiu puo vitsatie tha.

Chieliko 81:9

Terhuo kekrei puorei nie donu balie lho; no nuketsu si kemo rhuo puorei rüsuolie lho.

Isaya 1:10

Jihova die rünyüliecie, nie Sodom mhokezhako! Ukepenuopfü u kepethadie rünyüliecie, nie Gomora nu themiako!

Isaya 1:18

Jihovae puya: Tsie vorlie di úko keze mharhü kekie khe, nie kephoumako thuo merieyhara zorei, süko krapie pekrie mhietatuo; ukoe merie pie meriekrü zorei, uko tekuo mie mhielietuo.

Isaya 28:14

Süla Jihova pfhe rünyüliecie, nie mha kre kenyüko, Jerusalemmia mho di kebako.

Isaya 34:1

He-i seyieko, penuo vorcie rünyüketuo la; harie themiako, rünyüliecie! Kijüu tsiu sünu ketshu chü keba pete; kijüu mu sünunu kevor pete bu rünyüliecie.

Isaya 34:8

Jihovae khepu teisozha puo ba, siro Zion nyieu la zhakhra khashüketuo teicie puo ba.

Isaya 5:3

Süla tsie, Jerusalem nu kelhouko mu Juda themiako, a mu a khubelie hienie donu theca chüshücie.

Isaya 59:4

Miapuorei puotoukecüu se vorya mo, miapuorei dietho di thezho-u pfhü voya mo; ukoe kemethuo mezhü peleya, uko cürüya, kelhie nuonipfülie di kejo penuoshüya.

Isaya 59:8

Ukoe kezekevi chau siya mo, mu uko cha nu kethoca tuo mo. Ukoe uko chako chü kerüwiwate, süko nu kevoko miapuorei noune siya mo.

Isaya 66:5

Jihova dieu rünyüliecie, nie puo die gei peyakezhako: N themia thuo n ngumecü mu a za la n khawakecüko hakemhie pu di, “Jihova pie zapuzayie chüshü, sitse hie nie kenei ngutuo” siya; derei thenga chüketuo we uko zotuo.

Jeremia 11:7

Kekreilamonyü a hiechü di nie puonuoko Ijipt kijü nunu uko ze kepar nhie nu vor thie ha ketso rei mvürümvü chü uko ki pu di, A pfhe zelie, sishü zo.

Jeremia 19:3

Noe hai di putuo: Jihova die rünyüliecie, he-i Juda kediko mu Jerusalem nu kelhouko. Krodiko Jihova, Israel Kepenuopfüe puya: A kepeka se thechü hanu vortuo, süusü themia kehoupuorei sishü ro u nyieto mesotatuo.

Jeremia 2:4

He-i Jakob kinuko, mu Israel kinuko pete, Jihova die rünyüliecie.

Jeremia 2:9

Süla a tsie rei nie pejo zotuo, Jihovae siya, tsiu a nieko nuonuo nuonuoko pejo zotuo.

Jeremia 25:31

Mhapfhe puo kijü vala ketso votuo, kekreilamonyü Jihovae seyieko pejoshüte; puoe chüüphou chükepfü pete nyie pepituoü thate, mu puoe kerüzhümia pie zhiecha tsüwatuo, Jihovae siya.

Jeremia 34:4

Sirei Jihova die rünyüliecie he-i Juda kediu Zedekia! Jihova n dze pucü: N bu zhiecha geinu siatalie lho;

Jeremia 4:22

“Kekreilamonyü a themiako nyate, ukoe a si mo; ukoe kenya nuonuo, ukoe mhacamhala silieya mo. Ukoe kesuo kechütsa we chü si, derei mha kevi kechü do we si mo.”

Jeremia 4:28

Hauha la kijüu kratuo, tsiu pesogei teiko teimekietatuo; kekreilamonyü ae pushüte, a süu rhüshüte; tsiu a nou rüdi lalie lho, morei sünunu tsiesietalie lho.

Jeremia 5:4

Süla ae sie, “Hako mhakejümia zo, ukoe u kele jü; kekreilamonyü ukoe Jihova chau, uko Kepenuopfü zho-u silie mote.

Jeremia 51:5

Israel mu Juda rükra mota lho uko Kepenuopfü, krodiko Jihovae uko khawa mo zo, uko kijüe Israel Kemesau mhodzünu kephouma thuo tshupfü zhüta zorei.

Jeremia 6:13

Kekreilamonyü kecütho nunu vo kezhatho ketso, pete rei mha mehou di puotou kemo nunu ngukelie le; siedzekesiu nunu vo zievo-u ketso, pete rei meda di mhachü phre.

Jeremia 7:28

Noe uko ki putuo: seyie hauha uko Kepenuopfü Jihova pfhe zeya mo, mu pethakeshü lielieya mo; ketho-u tuo mote; süu uko tie nunu jüte.

Jeremia 9:20

He-i thenupfüko, rünyüliecie, Jihova dieu, tsiu nie nyie pie puo tie nu dieko rünyüliecie; nie nuopfüko ki thekrü kechü pethashülie, tsiu mia puopuokecü thekrü kechü pie puo zanuomia pethashülie.

Jeremia 9:3

Ukoe theü tuoi u meü kekhrelieya; ukoe kijüu nu kethotsa mo di, kesuo kechütsa meteilie; kekreilamonyü ukoe kesuo kechü sie chü tuoya, sidi uko a siya mo, Jihovae siya.

Jeremia 9:7

Süla krodiko Jihovae puya: A tsie uko ketso kemesa di uko dojütuo, kekreilamonyü a themia kephoumako la kedipuo chü sa ta?

Ezekiel 16:35

Süla, he-i thethenupfü, Jihova die rünyüliecie:

Hosea 12:2

Jihovae puo nei mo di Juda petsou bate, siro Jakob zho ki ze puo pechütuo; tsiu puo mhatho ki ze puo zha chüshütuo.

Hosea 12:3

Puo zuo va nunu puo dzürieu phitshü teshülie, mu puo themia zho se Kepenuopfü ze kekuokie chü.

Hosea 5:1

Hau rünyüliecie, he-i zievoko! Si toulie, he-i Israel kinumiako! Rünyülie, he-i kediu kinumiako! Kekreilamonyü ketsoketuou pie n gei shütuo; nie Mizpa nu kebie puo chü, siro Tabor nu jal pethoupie zhü,

Hosea 5:4

Uko mhathoko u chüpie Kepenuopfü kitsa volie mo. Kekreilamonyü thethe kechü ruopfüu uko gei tuo, tsiu uko Jihova siya mo.

Joel 1:2

He-i phichümiako, rünyüshücie, nie nyie kedeishülie, kijü nu kelhou peteko! Mha hau nie teiki, morei nie puonuoko teiki chü üro?

Amos 3:1

He-i Israelko, Jihovae Ijipt nunu nie kikru ze parkeshü peteu petsou di pukeshü die hau rünyüshücie:

Amos 7:16

“Süla tsie Jihova die rünyüliecie. Noe sie, ‘Israel petsou di siedzedie pu hie, tsiu Isak kinuko petsoukecü die pu hie,’ iya.

Mika 6:2

Rünyüliecie, nie kijüthouko, Jihova ze kediekrei baketako, nie ba seikecü kijü mvüdzeko, kekreilamonyü Jihovae puo themiako ze kediekrei bate, mu puo Israel ze keperhietuo.

Johan 8:55

nieko thuo puo si mo zo ürei, derei a puo si ba; a puo si mo üta ro, a rei nieko mhiei ketijümia puotatie! Derei a we puo si ba mu a puo die zeya.

Rommiako 1:28

Siro ukoe Ukepenuopfü pie uko nou shü nyü moketa tuoi, Ukepenuopfü rei uko khawa di u bu chü zhü kemoko chü tsiu thenou rüporüvükecü nu shüwate.

Korintmiako Kerieu 15:34

Mhale kemezhülie di phouma sa hie; kekreilamonyü nieko huomia Ukepenuopfü dze si mo ba zo. A nieko bu mengalieketuo la die hau kepu zo.

Pesikeshü 2:11

Süla kehoupuorei u nyie kenyimia bu Ruopfüue kehouko ki kepuu rünyüliecie. Kehoupuorei kuolieyakezhamia kesia kenieu bu u pechülie lho.

Pesikeshü 2:29

Kehoupuorei u nyie kenyimia bu Ruopfüe kehouko ki kepuu rünyüliecie.