Hosea 3:2 - Angami Naga CL (Re-edited) Bible (BSI)

² Süla a puo la rakachü shekel kerepengou mu barli kemejü puo tsiu khube sü puo se puo khrülie.

Hosea 3:2 Iomraidhean Croise

Keriekitho 31:41

Cie mepfü hako a n kinu lhou vor; n nuopfünie la cie keredia n kituo chü, mu n riko la cie sorou; ru no a zha va ker bie kediwa.

Keriekitho 34:12

Mha cha kenyü de chaliecie, siro a nie kepu de khashütuo; derei rüüpfü pie a ki penyiu penyishü zocie.”

Toukepra 22:17

Puo puoe süpfü khashü mvüta ro, puo bu rüü phousepfü la thema zho de khashütuo.

Isaya 5:10

Khubelietsa ker pie puo rübei vütuo, mu tsia chü puo cieshü ro khodei puo rübei vütuo.

Ezekiel 45:11

Siro efa mu bath kemejü kenienie rei kemhie toutuo, bath liro homer ker-zapuo baya mu efa liro homer ker-zapuo baya; homer-u bu kemejü puotoukecüutuo.

Hosea 3:3

Sidi a puo ki, “No zha kekra a vie chü di batuo; no thethe lie lho, no thepfumia ze kekhriekeze lho, siro a rei n ki sükemhietuo.”

Levimiako 27:16

Mia puoe puo vie theka kijü puo chü kemesapie Jihova tsü ro, no puoma chiekeshü ki tsia kidepuo seya shikecü le di tuo; barli homer puo shüyakecü kijü ro raka shekel hiepengou nu puoma chietuo.

Ruth 4:10

Sizomonyü ae Mahlon kimia Ruth, Moabpfü rei khrülie di pie a kimia chüliete, süusü puo kayie geinu kesiamia za pie balieketuo la, tsiu kesiamia za bu puo siezedzüriemia donu, mu puo keba kharu nunu jüta molieketuo la. Hako pete la thie niekoe zhapukote.”

Samuel Kerieu 18:25

Ru Saul la sie, “David ki pushücie, ‘Kediu thenyhü sa puorei lie nyü ba mo, derei süu sou nu puo ngumvümia gei puo khepu lieketuo la Filistinmia mia krie puo zhüre se vorshünu ükecü pushücie,’ ” ishü. Saul lekecü, David-e terhü nu Filistinmia bu puo biewaketuo do rhükecü la.