Hosea 2:3 - Angami Naga CL (Re-edited) Bible (BSI)

³ kemosie a puo pfhe puo nei lhewa di puo bie kemethuoshütuo, sidi puo pie puo penuokelie nhie tuoiwatuo, mu puo pie rayha kemhieshütuo, sidi puo pie kijü sotoikecü nu shüwatuo, tsiu puo bu terhü di siatatuo.

Hosea 2:3 Iomraidhean Croise

Toukepra 17:3

Derei themiakoe sünu terhü di dzü krie nyülie, sidi Mosa gei panya di sie, “Kiüdi no Ijipt nunu hieko ze par di, hieko nuonuoko mu hie khuriko bu terhü di siatatuo üya ga?”

Isaya 33:9

Kijüu kra mu meziete; Lebanon-e puo ziejü di rüwite, Sharon-e kijükesia tuoite; tsiu Bashan mu Karmel seiboko nyü piete.

Isaya 47:3

Nie methuokecü ngutatuo, mu nie kemenga mia bu ngutuo. A a kheputuo, mu miapuorei lhieshülie lho.

Isaya 64:10

N kemesa nadiko rayha puo chüte, Zion-e rayha puo chüte, Jerusalem ruoketa puo chüte.

Jeremia 12:10

Kepfhemia kekra a khubelie pekawate, ukoe a yau kedewate, a ya a keneiu bie perapie khakewa rayha puo chüwate.

Jeremia 13:22

Siro noe n nou nu, “Kedipuo la üdi mha hako a gei vorta shi?” i üro, süue n kejokemou kemeriekecü la n nei hieshü di, n bie kethengawate.

Jeremia 13:26

A thuo n nei hiepie n zie dzewatuo, sidi mia bu n kemengau ngutuo.

Jeremia 14:3

Puo pehükoe u kituoko ketsepie dzü pfhü; ukoe lipfhü se vo, sirei ukoe dzü puorei ngulie mo, süla u lipfhü methuo di la vorta. Ukoe menga mu theziekejü chü di u tsü dzepfü tuota.

Jeremia 17:6

Ukoe kijükesia nu nhabo mhietatuo, sidi kekhruohi kevor ngulie lho. Ukoe rayha thechü kesora, themia lhou kemo metsie kijüra lhoutuo.

Jeremia 2:31

Siro nieko, he-i themia phou, Jihova die rünyüliecie! Ae Israel mhodzüki rayha puo mhiei, zeibouikecü kijü puo kemhieta zo memu? Kiüdi a themiakoe, “Hie hie medo chülie vite, hie n ki vor salie lhote” iya ga?

Jeremia 2:6

Ukoe, “Jihova Ijipt kijü nunu u ze parkeshüu, rayha nu, kijükesia mu thekheko nu, kijü keso nu, tsiu kesia khrü nu, miapuorei vo kemo kijü, tsiu miapuorei lhouya kemora u cha tha ze ketuou kirapuo tuota ga?” sikecü rei puya mo,

Jeremia 22:6

Kekreilamonyü Juda kediu kiu dze Jihovae pucü: Noe a la Gilid kemhie, tsiu Lebanon tsüu kemhie zo; derei a n chüpie kijükesia, tsiu nadi nu themia lhou moketa chüwatuo.

Jeremia 4:26

A meho sie ru harie, kijü kekro-u sü kijükesia chüzhüta, Jihova mhodzünu tsiu puo nouyie nunu nadi peteko metsu zhüta.

Jeremia 51:43

Puo nadiko meriekecü chüte, sotoi mu kijükesia chüte, miapuorei lhou kemo kijü, mu miapuorei süu pfüthe voya mote.

Jeremia 51:5

Israel mu Juda rükra mota lho uko Kepenuopfü, krodiko Jihovae uko khawa mo zo, uko kijüe Israel Kemesau mhodzünu kephouma thuo tshupfü zhüta zorei.

Ezekiel 16:22

Siro no kerütsekecü pete nu tsiu n rügerüzhü n medzü teiki, no methuo tsiu n whelie kemo ki, mu n zie nunu no rüzha kezhü rükra mote.

Ezekiel 19:13

Sidi tsie we süu phe kedipie rayha nu, kijü keso mu terhükezhü ra leishü.

Hosea 13:15

Puo thuo puo siezedzürieko donunu kruolie zorei, niathutsa teikhrieu vortuo, Jihova kinu teikhrieu, rayha nunu siertuo; sitse puo dzüluokiu sotatuo, puo dzüluo sotatuo. Süu puo kinyibou mhama kere pete bie pesuowatuo

Hosea 2:10

Tsie we a puo neimiako mhinguki nu puo kemenga hielashütuo, mu miapuorei a dzie nunu puo kelalie lho.

Pesikeshü 17:16

Mu no kengu kia kerko, süko mu nhachüu keze thethenupfü ngumvütuo, sidi ukoe puo bie pesuo tsiu bie kemethuowatuo; ukoe puo chü cülietuo mu mi pie puo thewatuo.

Capiko 15:18

Puoe terhüthortacü la, Jihova kie di, “No kuopezhakelie khapie n kituou tsüshüte, mu tsie a bu terhü di siatatuo me? Sidi u zhürekemoko dzie nu letatuo me?”