Hosea 2:1 - Angami Naga CL (Re-edited) Bible (BSI)

¹ Nieko prüu Ami, mu nie üpfü Ruhama ki pushülie.

Hosea 2:1 Iomraidhean Croise

Keriekitho 22:17

a ja n tsü tou zotuo, mu a n nuosenuoyie chü pekrapie teigei themvüko mu dzükezha khie huocanyo mhieshütuo; siro n nuosenuoyiekoe uko ngumvümia kharu pevielietuo,

Jeremia 31:33

Derei ae Israel kinuko ze dietseidiekhokelieu haituo, teisozha sükosü Jihovae siya, Ae a zho-u pie uko noutsa shütuo, tsiu süko pie uko melou gei thushütuo; sidi ae uko Kepenuopfü chütuo, mu ukoe a themia chütuo.

Jeremia 32:38

Ukoe a themia chütuo, mu a uko Kepenuopfü chütuo.

Jeremia 51:5

Israel mu Juda rükra mota lho uko Kepenuopfü, krodiko Jihovae uko khawa mo zo, uko kijüe Israel Kemesau mhodzünu kephouma thuo tshupfü zhüta zorei.

Ezekiel 11:20

Sitse uko a zhoko medzilie tsiu a kepethadieko se balie, mu süko ze balietuo. Süsie uko a themia chütuo, mu ae uko Kepenuopfü chülietuo.

Ezekiel 36:11

siro a themia tsiu khunuoko bu nieko gei kra parlietuo. Ukoe kruolie tsiu u si rüchülietuo; sidi kerieki mhie a nieko bu lhou lalietuo, mu thiedzü ki rei nieko gei mha kevi chükuo sashütuo. Sitse nieko ae Jihova zocü silietuo.

Ezekiel 36:28

Sitse a pie nie puonuoko ketsü kijüu nu nie lhoulietuo; sidi nieko a themia chülietuo, mu ae nie Kepenuopfü chütuo.

Ezekiel 37:27

A kebachüu uko ze tuotuo, mu a uko Kepenuopfü chütuo, mu uko a themia chütuo.

Hosea 2:2

N zuo ze di pushülie, pushülie, kekreilamonyü puo a kimia mo, tsiu a puo nupfu mo, sidi puo bu puo mhinguki nu thetheliekecü, tsiu puo nunie donunu pieü kechü khawalie;

Hosea 2:23

tsiu a thuo a la puo pie kijü gei prushütuo. Siro a Lo-ruhama ngumezhieshütuo, mu a Lo-ami ki, “No sü a themia zo,” isituo; sitse puo sie, “No a Kepenuopfü zo,” isituo.

Zekaria 13:9

Sidi a za se hau pie mi nu shütuo, rakachü chü kemesakecü tuoi chü kemesatuo, tsiu suna kevikesuo mehokecü tuoi mehotuo. Ukoe a za kietuo, mu a uko pfhekhoshütuo. Ae sie, “Ukoe a themia zo,” ituo, mu ukoe sie, “Jihova sü úko Kepenuopfü zo,” situo.

Korintmiako Kenieu 4:1

Ukepenuopfü hie ngumezhie di lietho hau chünu di hie pethoshüte, süla hie dzükoutaya mo.

Timothi Kerieu 1:13

a thiedzü puo tha, mia thamele mu mia pesüpemvü zo. Derei a ngukemezhie ngulie, a pele kemo ki mhasi kemo nunu mha süko chükewa la,

Pitor Kerieu 2:10

Va puo we nieko ü themia ütuo mo, derei tsie we nie Ukepenuopfü themia chüte; Va puo we nie ngukemezhie ngulie mo, derei tsie we nie ngukemezhieu nguliete.