Hosea 10:1 - Angami Naga CL (Re-edited) Bible (BSI)

¹ Israel-e puosi vü phishüyakezha khubebo puo. Puo si vükralie mu puoe ruosuobako chü pekraya; puo kijü chü kehiekelie ki, puo coko chü kehielie.

Hosea 10:1 Iomraidhean Croise

Hosea 8:11

Efraim-e ruosuoba chü pekralie di kephouma chü kemesatuoü kesie ki, ukoe phoumaketuo ruosuoba chüta.

Hosea 12:11

Gilid nu mha kesuo ba, ukoe kemethuo chütatuo. Gilgal nu ukoe thudo pie ruosuo chü, süla uko ruosuokoe lie nu ketsie ketapie kepupie kezhü tuoitatuo.

Filipiko 2:21

Kekreiko pete we Jisu Khrista la monyü u thuo u mevi la tuoya.

Jeremia 2:28

Derei n thuo chükelie rhuoko kirapuo tuota ga? No kemezhiekelie ki n kelalie vi üro, süko bu vorliecie; kekreilamonyü n rünako kedithedepuo ba shiü, n rhuoko rei sü thede ba, he-i Juda.

Levimiako 26:1

Nie rüsuoketuo la, nie terhuorhi puorei chülie lho, siro sei ketsie dupie miarhi morei tsiepou puorei piesie doulie lho, mu nie ketsie miarhi pie nie kijü nu balie lho: Ae Jihova nie Kepenuopfü zo.

Kediko Kerieu 14:23

Kekreilamonyü ukoe u thuo u la kijükhru kerükrie pete mu seibo kepejo khrü pete nu tsiepouko mu Asherako selieta.

Korintmiako Kenieu 5:16

Süla hie tsie yawinu themia noule geinu miapuorei rhu pekrei mote; hie thiedzü themia noule se Khrista dze le, derei tsie we hie si mote.

Nahum 2:2

(Kekreilamonyü Jihovae Jakob therhu, Israel therhu rei sa se la vorshütuo, mha bie pejüwayakezhamia thuo uko bie pejü mu uko coko pekawa zorei.)

Hosea 13:6

Ae uko vachükeshü ki, uko u kelhuo chülie; uko u ketshukelhuo chülie, sitse uko nou kemiakota; süla uko a rükra mote.

Hosea 13:2

Siro ukoe phouma zhü zo tsiu uko thuo u la mharhi rhilie, uko thuo u kele se rakachü pie terhuorhiko rhilie, süko pete rükreimia mhatho phre zo. Uko sie, “Ruosuo chüpie hako ki shücie.” Themiako thudonuo mebo!

Hosea 12:8

Efraim sie, “Aya, ae mhanyi, a la kinyi pfhüliete; a mhapfhükelie pete nu a gei kekrükecü kephouma ngulie mo.”

Hosea 8:4

Uko kedimia petholie, derei a geinu mo, ukoe kedinuoko peselie, derei a sanyü di mo. Uko rakachü mu suna se di mharhiko chülie süko thuo u pekawatuo.

Hosea 2:8

Puoe, a thuo lhacülhale, khubezu, mu tier pie puo tsü, tsiu rakachü siro suna pie puo tsü seshü mu ukoe Baal la sekewa silie mo.

Hosea 3:4

Sümhie Israelmia zha kekra kedimia morei kedinuomia sa mo, ruosuo morei tsiepou sa mo, efod morei terhuorhi sa mo di lhou votuo.

Hosea 4:7

Uko kruo miemie tsiu, uko a petsou di kephouma chü miemiete; ukoe uko thetshetherhu pie thenga chüwate.

Hosea 13:15

Puo thuo puo siezedzürieko donunu kruolie zorei, niathutsa teikhrieu vortuo, Jihova kinu teikhrieu, rayha nunu siertuo; sitse puo dzüluokiu sotatuo, puo dzüluo sotatuo. Süu puo kinyibou mhama kere pete bie pesuowatuo

Jeremia 11:13

Kekreilamonyü he-i Juda, n rüna kedithede ba shi süthede terhuorhiko rei ba, tsiu Jerusalem nu chaü kedithede ba shi süthede uko thenga ruosuoba chüpie ba, ruosuo chüpie Baal tsüketuo la.

Jeremia 11:17

Krodiko Jihova n pelhoukeshüu, mha kesuo n gei vorketuo pushüte, kekreilamonyü Israel kinuko mu Juda kinuko mha kesuo chükewa, süusü kethe ruosuo chüpie Baal tsü di a nou chü kemeyieshü.

Hosea 2:10

Tsie we a puo neimiako mhinguki nu puo kemenga hielashütuo, mu miapuorei a dzie nunu puo kelalie lho.