Filemon 1:6 - Angami Naga CL (Re-edited) Bible (BSI)

⁶ A kechau sü, n bu Khrista nunu mha kevi se u vie chü baketako si pesou salie di n kepele keza pevi sakelieu zo.

Filemon 1:6 Iomraidhean Croise

Mathi 25:16

Siro talent pengou ngukelieu kenourhei vo süko se mhachü di kekrei pengou pralie.

Mathi 5:16

Sütuoi mia bu nie mhatho kevi ngu di teigei keba nieko Puou tshelieketuo la nie kezie pie mia va pezieliecie.”

Korintmiako Kerieu 14:25

Sidi pelekemo-u nou pekhrepfü ketuoko hielashüya, sidi puoe zeretsu Ukepenuopfü rüsuo di, “Nieko donu Ukepenuopfü ba ketho zo” idi phratatuo.

Korintmiako Kerieu 16:9

hanu mhachülie kevi kikha kezha puo khrü a tsüpie bate derei ngumvü kekra rei ba.

Filipiko 4:8

Thela nu, a khrieko, mhakehoupuorei ketho ücüko, mhakehoupuorei therhu ücüko, mhakehoupuorei mezhü ücüko, mhakehoupuorei mesa ücüko, mhakehoupuorei u nei ücüko, mhakehoupuorei pu pevilie keviko, mu vi rükrü zocüko mu tshelie kevi huo nyi üro, süko le ba zoliecie.

Kolosiko 1:9

Sidi mhaca hau la, hie süu sikelie yawinu, nie la cha petewaya mo, nieko bu ruopfü mu mhacamhala sikelie mhasi neiüko se di Ukepenuopfü medo si toupie nie ketshu chülieketuo la,

Kolosiko 3:10

sidi nieko themia kesau chü dzieliete, sidi themia süu chü kesa lapie mhasi nu puo chükeshüu rhi mhielieya.

Tita 3:14

Siro themiako bu mia tsopfhü teiko nu mia vaphilieketuo la mhatho keviko chü mezhieliecie, sitse uko mhachülie moketa chü lho.

Ibriko 6:10

Kekreilamonyü Ukepenuopfü dietho motaya mo; puo nie mhachükeshüko morei puo za la nie kekhrie nunu mia khruohikeshü mu tsie rei nie kezemia kemesamiako gei süu chüshü bayakezhako rükra motalie lho.

Jakob 2:14

A kezeko, miapuonie puo kepele nyi rei puo mhatho jü liro kedipuo kemevi ba ga? Kepele puo kelashülie vi me?

Jakob 2:17

Sütuoi kepele rei puo mhatho jü liro kesia zo.

Pitor Kerieu 2:12

Nie Judakemoko donu nie zhorüli vi se di lhoulie, sidi mia nie üse kesuo kechümia üdi nie thaya rei, uko bu nie mhatho kevi ngu di Ukepenuopfü mia nyie pepituoü kevor nhie puo tshelie.

Pitor Kerieu 3:1

Sütuoi mianupfünuoko, nie nupfunuo khrükhro balie, sitse uko huomia dieu zeya kemo huo nyi üro, uko ki mha pu moto zorei u nupfünuo zhorüli lanu u nou rüdilie vi,

Pitor Kerieu 3:16

sirei ko mo mu menuo se di süu chülie. Nie noule bu mecümecie ba zolie, sitse nie Khrista nu nie zho mesa di lhou tuoyakecü la nie zhase tuoyakezhako u thuo u die la mengalietuo.

Pitor Kenieu 1:8

Nieko mha hako se nie vie chü mu kra miemiezhülie ro, süko la u Niepu Jisu Khrista dze kesi mhasitsa nie shüshü morei nie si vülie kelho chütalie lho.