Filemon 1:5 - Angami Naga CL (Re-edited) Bible (BSI)

⁵ kekreilamonyü no kemesako pete khrie mu Niepuu Jisu kitsa n kepele keba dze sikelie la.

Filemon 1:5 Iomraidhean Croise

Chieliko 16:3

Kijü ketuo kemesako, uko kevimia zo, a kenei pete uko gei tuo.

Mhakechüko 20:21

tsiu Judamia mu Grikmia rei kemhie zo, thenou kedipie Ukepenuopfü tsülienu siro u Niepuu Jisu pelelienu pushü zo.

Rommiako 12:13

Kemesako tsopfhü vaphilie, mia peso nyü sieiliecie.

Korintmiako Kerieu 16:1

Siro kemesako la mha kengukecü dze: a Galatiako kehou bu chünukeshü mhiei, nieko rei chüliecie.

Galatiako 5:6

Kekreilamonyü Khrista Jisu kitsa we zhükere mu zhürekemo ha mhapuorei kekrei mo; derei kepele üse kekhrie nunu mhachükezhau zo.

Efesako 1:15

Niepuu Jisu gei nie kepele bakecü mu nieko kemesako pete khrieyakecü a sishüte, mu hau la

Kolosiko 1:4

nie Khrista Jisu gei nie kepele keba mu kemesako pete khrieyakezha hie sikelie la,

Thesaloniako Kerieu 3:6

Derei tsie Timothi nieko kinu hie ki la vorliete, sidi nie kepele mu kekhrie dze keviko se vor hie petsoshü. Puo hie ki pu sacü nieko hie rüli rükra sei di hie nie ngushü nyü keba tuoi nie rei hie ngu nyü bakecü die keviko se vor pushü.

Filemon 1:7

A siezeu, n kekhrie geinu a kenei mu thenou keluo ngu philieya, kekreilamonyü n la kemesako u nou va perheikelie ngukelie la.

Johan Kerieu 3:23

Mu puo diekhakeshüu sü, puo Nuou Jisu Khrista za nunu pelelie mu puo diekhakeshü mhiei di huoniehuo khriekecüu zo.