Filemon 1:1 - Angami Naga CL (Re-edited) Bible (BSI)

¹ Paul, Khrista Jisu la kedie chü ketuou, mu u siezeu Timothi kinu, Thupie hie khrieu mu kedziese di mhachüyakezha Filemon,

Filemon 1:1 Iomraidhean Croise

Mhakechüko 16:1

Süsie Paul rüve Derbe mu Lustra nu vo ru sünu pethakeliemia puo puo za Timothi ücü puo ba, puo zuoe Judamiapfü di peleketapfü puo, derei puo puoe Grikmia.

Korintmiako Kerieu 3:9

Kekreilamonyü we Ukepenuopfü kituomia, kedziese di mhachüya; nieko we Ukepenuopfü lieu, Ukepenuopfü kiu zo.

Korintmiako Kenieu 1:1

Paul, Ukepenuopfü medo nu Khrista Jisu apostel chükelie, mu u siezeu Timothi kinu, thupie Korint nu Ukepenuopfü kehouu Akaya nu ketuo kemesako pete ki keshü.

Galatiako 3:26

Khrista Jisu kepele geinu nie pete Ukepenuopfü nuonuo chütakecü la.

Efesako 3:1

Hau la a Paul, nieko Judakemoko la Khrista Jisu diemia chü tuote.

Efesako 4:1

Süla a Niepuu la kedie chü ketuou, nieko bu kielieketa phreikie sünu lhou kesü kelhou lhoulienu nie ki chaya,

Efesako 6:20

a tsie süu dieliemia puo chü di thegiro se a phapfü tuo. A bu thepfu di dieliekevi pu kezhüu pushüketuo la, a la cha bacie.

Filipiko 1:1

Khrista Jisu kituo chüketuo, Paul mu Timothi unie kinu: Khapie Khrista Jisu nu ketuo Filipi nu keba kemesako pete, tsiu kehou kepfheko mu dikonko ki keshü:

Filipiko 2:25

Sizorei, a siezeu, a ze kedziese di lietho chü siro Khrista chüpahi chükezha, nieko dielie se kevor mu a tsopfhü ki a thekekezhau Epafrodita ketsepie nie ki shü morokesuo le ba;

Filipiko 4:3

U, mu harie, a dziese ketho-u, Siziga, a n bu thenu hanie khruohi sashünu pushüya, unie-e Klement mu a ze mhachüyakezha kerhei leshüda nu u za thulieketako rei ze dieliekevi lietho-u nu u rhiechü di a khruohi phi zocü la.

Kolosiko 1:1

Ukepenuopfü medo la Jisu Khrista apostel chükelie Paul mu u siezeu Timothi kinu:

Kolosiko 4:11

Tsiu Justa üyakezha Jisu rei nieko kelushü ho. Zhükere kro nunu kepar hako rübei tsie a ze Ukepenuopfü kedi la lietho chüyakezha zo; mu uko a nou thupeluo phi vor tso zo.

Thesaloniako Kerieu 3:2

sidi hie siezeu mu Khrista dieliekeviu la Ukepenuopfü lietho-u Timothi ketseshü, puo bu nie kepele nu nie chü kemetei mu chü kethepfushütuoü,

Thesaloniako Kenieu 1:1

Paul, Silvana mu Timothi kinu, Pie Ukepenuopfü u Puou mu Niepuu Jisu Khrista nu baketa Thesaloniako kehou ki keshü:

Timothi Kenieu 1:8

Siro u Niepuu zhapuu la morei a puo dieu la mengata hiecie, derei dieliekeviu zhapu la Ukepenuopfü kekuo nu tha di a ze kemezhieliecie,

Filemon 1:23

Khrista Jisu nu a ze kedie chü kebau Epafra n kelushü ho,

Filemon 1:24

mu a ze mhachüyakezhako Mark, Aristarka, Dema mu Luk rei sa n kelushüya.

Filemon 1:9

a kekhrie nunu n ki chakecüu a neikuote, mu a Paul, phichümia puote, siro Jisu Khrista diemia puo rei chü sa di süu chaya.