Daniel 9:4 - Angami Naga CL (Re-edited) Bible (BSI)

⁴ Ae Jihova a Kepenuopfü ki a kejo phra di sie, “He-i Niepuu, zha mu u ngokecü Kepenuopfü, n khrieyakezhako tsiu n diekhakeshüko se bayakezhako gei n ketseikevi tsiu dietseidiekhokelieu se baya,

Daniel 9:4 Iomraidhean Croise

Kediko Kerieu 8:23

Sidi sie, “He-i Jihova, Israelko Kepenuopfü, tei pesogei rei, morei kijü khro rei, n kemhie Kepenuopfü puorei tuo molie, noe n kituomia u nou pete se n mhodzünu ketuomia gei n die khapie baya tsiu ngumezhieya;

Seyiedze Kenieu 7:14

A themiako a za se kiekelieko u thuo u chü kerünuolie di a ki u mezhiemelo, a zie pfhülie, mu u kerüzhü chako nunu rüreilie ro, a teigei nu rünyülie di uko kephouma vashü mu uko kijüu chü keshürhoshütuowe.

Ezra 10:1

Sidi Ezra kecha chü mu kephouma phra, kra di puo thuo puo khapie Ukepenuopfü kiu mhodzünu shükelie ki, Israelmia donu thepfumia, thenumia mu nhicumia kekra vor puo khieki kengulie, mu themiako rei krakhouita.

Nehemia 1:5

Sidi sie, “He-i Jihova teigei keba Kepenuopfü, kezhau mu kemerie zokecü Kepenuopfü, noe n khrieyakezhako tsiu n diekhakeshüko chüüzeyakezhamia gei n dietseidiekho-u mu ngukemezhie khapie baya,

Nehemia 9:32

“Süla tsie, hie Kepenuopfü, kezhau, kekuou, siro kemerie zokecü Ukepenuopfü, diekhakeshüu mu kekhrie se bayakezhau, Asiriamia kediu teiki nu vor thie ketso, kemezhiekecü, hie gei hie kediko gei, hie kedinuoko gei, tsiu hie zievoko gei, hie siedzekesiko gei, hie puonuoko gei, mu n themia peteko gei kevor ha üse mhathopuo mo ükecü chüwa hiecie.

Chieliko 32:5

A kephoumako phrapie n ki shü, mu ae a kejokemou keviewa mo. A sie, “A kejokemou phrapie Jihova ki shütuo,” ru no a kejokemou vashü. Selah

Toukepra 20:6

derei a khrie mu a diekhakeshüko zeyakezhamia gei we rüdi kemo kekhrie pie thephou thenyie ketso rei pekieshüya.

Jeremia 3:13

Noe Jihova n Kepenuopfü petsou, di n kenei kezapie sikemomia ze seibo kepejo kheko khro zhü, tsiu a die ze mo di jowaketau siliecie, Jihovae siya.

Jeremia 32:23

sidi sünu lelie di süu welie. Derei ukoe n die ze mo morei n zho nu tuolie mo, ukoe no chünukeshü yopuorei chülie mo. Süla noe mha kepeka hako pete pie uko gei vorshü.

Daniel 6:10

Siro Daniel-e leshüu nu zasi vüshüwaketa si zo ürei, puoe puo kiu nu vo ba zo, sünu kibou peso nu khirkiko khrüpie Jerusalem tsa va ba, sidi puoe hamhodzü chüyakezha tuoi di khunhie va se khoutoutsu Kepenuopfü ki cha mu puo thezieya.

Daniel 9:3

Süsie a rürei Niepuu Ukepenuopfü kitsa vashü, mevo mu gakhropfhe tsiu mige se a kenhepfü di a kecha kelashünu chavü.

LUK THUKESHÜ DIELIEKEVI 1:72

Sümhie puo phrapie u puonuoko ki keshü ngukemezhieu khashü, mu puo kemesa dietseidiekho-u rükrashü,

Rommiako 8:28

Siro Ukepenuopfü khrieyakezhako puo mharhü la kiekelieko la zowe kehoupuo chü shierei u dze kevi la phre zokecü we si bate.

Pulakeshüzho 5:10

derei a khrie mu a diekhakeshüko zeyakezhamia gei we rüdi kemo kekhrie pie thephou thenyie ketso rei pekieshüya.

Pulakeshüzho 7:12

Siro nie-e pethokeshü hako rünyü mu chüüzelie ro, Jihova nie Kepenuopfüe n puonuoko gei dietseidiekho-u mu puo kekhrie ketho-u khapie batuo üdi rüsekeshüu puoe n gei khapie ba zotuo;

Pulakeshüzho 7:21

No uko prei hie, Jihova n Kepenuopfüe zha mu kemeriekecü Kepenuopfü, puo nie donu bakecü la.

Pulakeshüzho 7:9

Süla Jihova n Kepenuopfü sü Ukepenuopfü zocü siliecie, pelelie kesü Kepenuopfü, puo khrie mu puo diezeyakezhamia gei we phou nyie puo ketso rei puo dietseidiekho-u puo kekhrie ketho khapie baya,

Jakob 1:12

Dophi nu rei shügeshühie thalieyakezhamia thejakepfütho. Sikecümia u kedokecü nu thakelie la kerhei tsüre Niepuue pie puo khrieyakezhako tsütuo üdi phrapie kezhüu ngulietuo.

Jakob 2:5

A khrieko, rünyüliecie. Ukepenuopfüe kijü hanu mhakejüko kedapie uko bu kepeletsa mhakenyimia mu puo khrieyakezhako la phrapie kezhü kedirüvieu kayiemia chülieta mo üme?