Daniel 7:9 - Angami Naga CL (Re-edited) Bible (BSI)

⁹ A meho tha ru, kedibako pie thechüko nu balie, tsiu nnhiennhie nu Ketuou puo kediba nu balie, puo pfheneie krapie pekrie tuoi, mu puo tsüthae chümie kevipfü mhie; puo kedibae miü ketu chü, tsiu puothuoko rei miketu chü zo.

Daniel 7:9 Iomraidhean Croise

Kediko Kerieu 22:19

Sitse Mikaia sie, “Süla no Jihova die rünyüliecie: Ae Jihova puo kediba gei ba di ngu, siro teigei krodiko pete puo dzie puo zatsatie tsiu puo vitsatie tha.

Seyiedze Kenieu 18:18

Sitse Mikaia sie, “Süla Jihova pfhe rünyüliecie: A Jihova puo kediba gei ba di ngu, siro teigei ketuo krodiko pete puo zatsa mu puo vitsa thacü ngu.

Chieliko 45:8

n pfhenei pete-e mür, mu aloes mu kasia re zo, tsohu pie kechü kedikiko nunu puorhü kechü üboukoe n nou chü pemvü.

Chieliko 90:2

Kijüthouko kesier mhodzü, morei kijüu chü kepar mhodzü, kechachie nunu kechachie ketso no sü Kepenuopfü zo.

Chieliko 93:2

N kedi thiedzütho nu chüse tuote; no sü telhekechachie ketuou zo.

Isaya 6:1

Uzia kediu siaketa cie, a Niepuu kediba puo gei ba di ngu, rükrie mu zha; tsiu puo kewhepfheko rüsuokiu tshu.

Isaya 9:6

Nuo puo penuopie u tsüshüte, thepfunuomia puo pie u tsüshüte, kekuo puo bouka gei tuo; mu puo za thopie Mharhükesi Ungo-u, Kekuo Kepenuopfü, Kechachie Puou, Vitho Kedinuou chütuo.

Jeremia 49:38

tsiu a kediu pie Elam gei shülietuo, sidi uko kediko mu kezhako pekawatuo, Jihovae siya.

Ezekiel 1:26

Uko tsü mho teikhru mhogei kediba tuoicü puo ba, süu kenguu safir tsie tuoi, siro kediba tuoikecüu mhogei kebau rhi-e themia puo kemhiei.

Daniel 7:13

Siro a theva gei ziemhoko meho tha tse, Themianuo rhi kemhie puo teigei kimhouko nunu par. Sidi puo nnhiennhie nu Ketuou ki vor, sidi süu mhodzünu vor thalie.

Daniel 7:22

nnhiennhie nu Ketuou vor kemochie; sitse Kerükrietho-u kemesako gei ketsokecüu khashü, mu kemesako bu kedirüvieu pevie lalieketuo teiu vorta.

Mika 5:2

Derei no, he-i, Bethlehem Efratha, noe Juda chienuoko donu kecütho puo shierei, n geinu a la Israel kekhaketuou partuo, puo thiedzütho nu tuote, kerietho ki nu tuote.

Habakuk 1:12

He-i Jihova a Kepenuopfü, Kemesau. No thiedzü nu tuo mo me? No siatalie lho. He-i Jihova, noe uko nyie kecütuoü uko rü se bate; siro no, he-i, Tsiekrieu, siazha pie uko tsüketuo la uko sesiershüte.

Mathi 17:2

Siro uko kengu kinu puo rhi kreita, sidi puo zie niaki kezie tuoi mu puo pfhenei krapouita.

Mathi 28:3

Puo ngupie teikemela tuoi mu puo pfhenei krapie pekrie tuoi.

Mark 9:3

sidi puo pfhenei kra rütsheta, kijü nu miapuorei pfhe menyi pekrapie sükemhie chülie kenjükecü chüta.

Mhakechüko 2:30

Siro puoe siedzekesimia rei chü mu Ukepenuopfüe puo ki rüse di puosepuoyiemia puo bu puo kediba gei batuoü phrakeshü dieko puoe si zo.

Mhakechüko 2:33

Süla Ukepenuopfü zatsa nu puo chü pezhase bate, mu Puou kinu phrapie kezhü Kemesa Ruopfüu ngulieketa la, nieko tsie si mu ngu keba hau puoe rushüte.

Filipiko 3:9

sidi puo geinu a ngu reilieketuo la, siro thezho-u keze geinu a miatholie monyü Khrista pelekelie nunu zo, kemiatho süusü Ukepenuopfü kinu vorya mu kepele la zo.

Timothi Kerieu 6:16

Puo rübei siaüjütalie kelho-u mu miapuorei penuo volie kelho kezie nu lhou kebau, miapuorei puo ngu mo mu ngu reilie lho; puo bu telhekechachie therhupfü mu kedi chücie. Amen.

Johan Kerieu 1:5

Hie puo kinu sikelie dielieu mu pu nie kieyakezhau hau, Ukepenuopfüe kezieu zo, mu kezei puorei puo nou tuo mo.

Pesikeshü 1:14

Puo tsü mu puo tsütha krapie chümie kekra tuoi; krapie pekrie tuoi; tsiu puo mhi miü tuoi,

Pesikeshü 19:18

Kediko chü, kezhamia chü, kekuomia chü, kierko chü mu süko gei ketuoko chü, themia pete chü, miadiemia rei mu kemo rei, kecükezha chü cüketuo la,” si.

Pesikeshü 20:4

Süsie a kediba kro puo ngu ru süko gei kebako bu mia nyie pepiketuo la kekuo pie tsüwa. Siro Jisu zhapuu mu Ukepenuopfü dieu la mia bu u tsü ziekewa ruopfüko rei a ngu. Sükoe nhachüu morei süu miarhi rüsuo mo tsiu süu zasi rei u teikhie gei mu u dzie nu vü mo. Süko rhei lalie di Khrista ze teicie nyie puo kedi chü.

Pesikeshü 4:2

Sitse vapuonu a Ruopfüu ze thata, mu teigei kediba puo ba, tsiu kediba gei mia puo ba!