Daniel 7:11 - Angami Naga CL (Re-edited) Bible (BSI)

¹¹ Siro mha kiau kemelhakecü dieko kepu la ae sie mehoshü. Sidi a meho tha tse, khunuou dukhriwa, mu puo mo-u bie pesuowa di mi nunu thewaketuo la kelhouwa.

Daniel 7:11 Iomraidhean Croise

Pesikeshü 19:20

Sitse nhachüu, mu ketijü siedzekesiu, süu mhinguki nu zasiko chüpie nhachüu zasi ngukelieko tsiu puo miarhi kerüsuoko sekelieu rei sa telie. Sidi sünie perhei kelhoupie mitsie tukezhü mizieu nu shüwa.

Pesikeshü 20:10

Mu terhuokesuou, uko sewaketau kelhoupie mizie mu mitsie nu shüwa, sünu nhachüu mu ketijü siedzekesiu rei ba, sünu teizeiteiso telhekechachie uko pechütuo.

Thesaloniako Kenieu 2:8

Süsie nu thezho sanyükemo-u mia mhingu chü siertuo, Niepuu Jisu tie nunu kepar thesü üse süu penyüwatuo mu puo kevor pengukeshüu thuo puo pekapejüwatuo.

Daniel 7:8

A puo kia dze le tha ru puo kia kecü kekrei yopuo uko donunu the la par; puo bu baketuo thechü la, puo kia kerie seko puobo nunu phewa. Puo kia hau gei puo themia mhi kemhiecü ba, tsiu kemelha se di die pukecü me ba.

Pesikeshü 18:8

süla khunhie vachü thepeko puo gei vortuo, kechükesia mu thekrü kechü tsiu pekriekecü, sidi mi pie puo the pejüwatuo, süpfü nyie pepikewau Niepuu Ukepenuopfüe kuokecü la.”

Daniel 8:25

Puo kedovi di kerüzhüu bu puo dzie nunu kruo sietatuo, tsiu puo thuo puo nou nu puo le pezhatuo. Pu mo zo di puoe mia kekra pekawatuo, siro kediko mho Kediu rei petsou sietuo. Derei themia dzie se mo di puo biewatuo.

Pesikeshü 20:12

Sitse a kesiamia kecü rei kezha rei kedibau mhodzü thacü ngu, süsie leshüdako lhalie. Mu leshüda kekrei puorei lhalie, süu kerheiprü leshüdau. Siro kesiamiako mhatho leshüdako nu thupie kezhüu medzi di uko nyie kecü.

Pesikeshü 20:4

Süsie a kediba kro puo ngu ru süko gei kebako bu mia nyie pepiketuo la kekuo pie tsüwa. Siro Jisu zhapuu mu Ukepenuopfü dieu la mia bu u tsü ziekewa ruopfüko rei a ngu. Sükoe nhachüu morei süu miarhi rüsuo mo tsiu süu zasi rei u teikhie gei mu u dzie nu vü mo. Süko rhei lalie di Khrista ze teicie nyie puo kedi chü.

Juda 1:16

Themia hakoe panyapara mu u vie se u nei tseilie kemomia; uko die u zhazie pu khuboupfü, u mevi puo la mha kese dieko pu tuoya.

Pitor Kenieu 2:18

Siro ukoe kemelhakecü diethuodieruo pu khuboupfü u chüüphou rüyako se di kekreimia lhou kekrüketuoko therhie prakezhüko meshü mu se tuoya.

Daniel 11:45

Sidi puoe kedi pfhekiko se vo dzükezha mu kemesa kijüthou donunu pethoushütuo. Sirei puo puo thelau tsotatuo, mu miapuorei puo khruohishülie lho.

Daniel 7:12

Siro khunuo kekreiko la zowe, uko mia mho dilie keviu zorei chüseta, derei uko kerheiro zowe puotei huo mu dopuo la chü pechashü.