Daniel 4:9 - Angami Naga CL (Re-edited) Bible (BSI)

⁹ “He-i Belteshazar, kemeduoko kezhau, kemesa rhuoko ruopfüu n gei keba a si, mu pekhrepie keba puorei n mhata mo zo. Süla a mho pemakecü hau we; puoca a ki pushücie.

Daniel 4:9 Iomraidhean Croise

Keriekitho 41:38

Süla Faroe puo kituoko ki, “Úko themia haicü puo ngulie vi me? Ukepenuopfü ruopfüu u nou ketuomia.”

Isaya 33:18

N noue kemeriekecüu medo n dzükerüchütuo: “Phrüyakecüu kirapuo ba ga? Khezhanuo mesi mejükecüu kirapuo ba ga? Rükhoubako phrüketuou kirapuo ba ga?” itatuo.

Isaya 54:14

Kemiatho nu n sesieshütuo; mia kepeseu n kinu pecietatuo, no michielie lhokecü la; mu kemeriekecü, süu n kinu pecietaketuo la.

Ezekiel 17:23

Israel kijüthou kerükrie geinu a süu seshütuo, süu bu puoco the parlie, di puosi rüchülie, di sedarbo kevi puo chülieketuo la. Siro puo khronu pera neiünei lhoutuo; tsiu puo coko khrü nu puoshü chükepfü ra pete vor rüsetuo.

Ezekiel 28:3

Harie, noe Daniel ki rei mhasikuo; kepekhre puorei n geinu keviewa mo;

Daniel 1:20

Siro mhasi mu mhacamhala sikelie cha kehoupuo nu rei kediu uko ketsokeshü ki, puo kedi khrükhro keba kemeduoko mu khrüthemvü dze kesiko, thuophiko, themouko pete ki va ker vikuokecü puoe nguta.

Daniel 2:47

Siro kediu Daniel ki, “Ketho zo, n Kepenuopfüe terhuoko mho Kepenuopfüta zo, mu kediko mho Niepuu tsiu mha kepekhreko hielashüyakezhau zo, noe mha kepekhre hau hielashütakecü la.”

Daniel 2:48

Sitse kediue mha kekra methuo pie Daniel tsü, mu puo chüpie Babilon kedirüvie pete mho mha kekhakecüu chüshü mu Babilon nu mhakesimia pete mho kesitho-u chüshü.

Daniel 4:18

A mho hau, a Nebukadnezar kediu ngushü. Belteshazar no tsie süu ca pushücie, a kedi nu mhakesimiako pete puocau pie a ki pushülie lhoketa la. Sirei no pulie vi, kemesa rhuoko ruopfüu n nou keba la.”

Daniel 4:5

A mho pema mu süu a chü kemidewa; a zhü nu a nou keleko mu a tsü nu ziemhoko a bie kemideta.

Daniel 4:8

Sirei Daniel a mhodzünu vor, Belteshazar üdi a rhuou za nunu puo za thokeshüu, siro puo gei terhuo kemesako ruopfü ba mu a puo ki a mho pushü:

Daniel 5:11

N kedirüvie nu mia puo kemesa rhuoko ruopfü puo nou bayakezha puo ba. N puo teikiko nu terhuoko mhasi kemhiei, puocapuola sikelie mu mha kesikele puo gei keba ngu. N puo, kediu Nebukadnezar, puo chüpie puo bu kemeduoko, khrüthemvü dze kesiko, Chaldiako, siro themouko mhokezha chüwa,

Samuel Kerieu 4:8

Úko sü chülietie! Supuo terhuo kezha hako dzie nu u kelashülie vituo ga? Sükoe rayha nu thepetheruo khe se Ijiptmia pekakewa terhuoko zo.