Daniel 4:6 - Angami Naga CL (Re-edited) Bible (BSI)

⁶ Süla a diekhashü di Babilon nu mhakesimia pete ze a mhodzünu vornushü. Uko bu a mho cau pie a ki pushüketuo la.

Daniel 4:6 Iomraidhean Croise

Toukepra 7:11

Sitse Faro rei puo themia mhakesithoko tsiu themouko kieshü, mu Ijipt nu kemeduoko rei uko kepekhre do se di sükemhie chüshü.

Isaya 8:19

Mhanuü mia n ki, “Themoumia mu thuophimia mecu mu mebe kebako rüsacie,” ilie ro themiakoe u rhuoko rüsa zhü mo üme? Kerheimia la kesiako rüsa zhü me?

Daniel 1:17

Tsiu Ukepenuopfüe kesikele siro leshü mhasi kehoupuorei silieketuo do keviko se nuo dia hako tsüshü, mu Daniel bu ziemho tsiu u mho pete ca silie kevi pie tsüshü.

Daniel 2:2

Süla kediue kemeduoko, khrüthemvü dze kesiko, mu themouko tsiu Chaldiako kieshünu di diekhashü, kediu mhoko pie puo pesishüketuo la. Sitse uko vor kediu mhodzünu thalie,

Daniel 2:48

Sitse kediue mha kekra methuo pie Daniel tsü, mu puo chüpie Babilon kedirüvie pete mho mha kekhakecüu chüshü mu Babilon nu mhakesimia pete mho kesitho-u chüshü.

Daniel 4:15

Derei puo mvüu mu puo mieko kijü nu khapie bawalie, thegi mu mese pie phapie balie, lie nu nha kemenera nu. Teigei thezeiu bu puo petselie, tsiu puo bu nhachüko ze kijü nu nha pie puo ya chütuo.

Daniel 5:11

N kedirüvie nu mia puo kemesa rhuoko ruopfü puo nou bayakezha puo ba. N puo teikiko nu terhuoko mhasi kemhiei, puocapuola sikelie mu mha kesikele puo gei keba ngu. N puo, kediu Nebukadnezar, puo chüpie puo bu kemeduoko, khrüthemvü dze kesiko, Chaldiako, siro themouko mhokezha chüwa,

Daniel 5:7

Sitse kediue melie shiekhoui di sie khrüthemvü dze kesiko, Chaldiako, mu themouko ze vornuta; siro kediu Babilon nu mhakesiko ki, “Kehoupuorei khuthu hau phrülie tsiu a ki puocau pulie liro puo bu pfhenei keloshükecü setuo, suna cü kelietuo, mu kedirüvie nu kezha seu chütuo.”