Daniel 4:5 - Angami Naga CL (Re-edited) Bible (BSI)

⁵ A mho pema mu süu a chü kemidewa; a zhü nu a nou keleko mu a tsü nu ziemhoko a bie kemideta.

Daniel 4:5 Iomraidhean Croise

Keriekitho 41:1

Siro ciete kenie sie, Faro puo mho geinu Nail rü khieki tha di pema.

Daniel 1:7

Siro kedikiu nu kezhau uko zathoshü: Puoe Daniel pie Belteshazar chü, Hanania pie Shadrak chü, Mishael pie Meshak chü, mu Azaria pie Abednego chü.

Daniel 2:1

Siro Nebukadnezar dikelie cie kenie cie, puo mho kro puo pema mu puo mho süko puo nou chü kemezhiepie puo bu zelie kenjüta.

Daniel 2:3

ru puo sie uko ki, “A a mho puo pema di a noue süko si nyücü la kemezhie se bate.”

Daniel 4:10

“A zhü geinu hauha ngu; kijü metsuo nu seibo puo ba, mu süu rükriethor zo.

Daniel 4:13

A zhü gei, a tsü nu ziemho nunu a meho zo tha, ru rükhoumia kemesa puo teigei nu ker.

Daniel 4:15

Derei puo mvüu mu puo mieko kijü nu khapie bawalie, thegi mu mese pie phapie balie, lie nu nha kemenera nu. Teigei thezeiu bu puo petselie, tsiu puo bu nhachüko ze kijü nu nha pie puo ya chütuo.

Daniel 4:19

Sitse Daniel, Belteshazar üyakezhau dopuo puo va pethowa. Puo keleko puo kedewaketa la. Sitse kediu sie, “Belteshazar, a mho-u morei puocau bu n kedewa hiecie.” Ru Belteshazar puo die kela di, “A niepuu, n mho-u bu n ngumecüyakezhamia la, mu puocau bu n ngumvümia la tacie!

Daniel 5:10

Siro kedipfüe kediu mu puo niepuko kerüchü ketha sishü tse, thehe bouu nu vor. Sidi kedipfüe sie, “He-i kediu, rhei kechau chüliecie! N keleko bu n kedewa hiecie morei n zie bu zisuota hieyi.

Daniel 5:11

N kedirüvie nu mia puo kemesa rhuoko ruopfü puo nou bayakezha puo ba. N puo teikiko nu terhuoko mhasi kemhiei, puocapuola sikelie mu mha kesikele puo gei keba ngu. N puo, kediu Nebukadnezar, puo chüpie puo bu kemeduoko, khrüthemvü dze kesiko, Chaldiako, siro themouko mhokezha chüwa,

Daniel 7:1

Babilon nu kediu Belshazar di therie cie Daniel puo tsü puo zhü gei kezhü ki puo mho puo pema mu ziemhoko ngu. Süsie puoe puo mho-u thulie:

Daniel 7:28

Thedzeu hai di tseite. A, Daniel zowe, a keleko a kede phi, mu a zie cacüta; derei a mha hako pie a nou balie.