Daniel 2:9 - Angami Naga CL (Re-edited) Bible (BSI)

⁹ Mhanuü nieko a ki a mho pushü moliro, nieko la mhapuo rübei keba zo. Puotei puo rüdi vor kemochie nieko a ki kemeda chatha kekrükecü dieko pu vor tso. Süla a mho a ki pushücie, sitse nieko süu ca a ki pulie kevi a silietuo.”

Daniel 2:9 Iomraidhean Croise

Kediko Kerieu 22:22

Ru Jihova sie puo ki, ‘Kedipuo mhie di ta?’ Siru puoe sie, ‘A tuopra di puo siedzekesiko tie nunu kemeda ruopfü chülietuo.’ Sitse Jihovae sie, ‘No puo hülietuo, tsiu kuo reilietuo; tuopraliecie, sidi süu chüliecie.’

Kediko Kerieu 22:6

sitse Israel kediue siedzekesiko kie kengulie, uko mia krie dia mese, sidi sie uko ki, “A bu vo Ramot-gilid nu terhü chü tuo mo, a bu terhü chü hienu ta?” Sitse ukoe sie puo ki, “Khocie, kekreilamonyü Jihovae süu pie kediu dzie nu shüwatuo üzhie,” si.

Esther 4:11

“Kediu kituo pete siro kediu rüna nu themia pete si ba, süusü themia kehoupuorei, thepfumia rei thenumia rei puo kie kemonu kediu kibou kesouu nu le ro, puo bu siataketuo puo thezho puo ba, kediu puo suna theu yhapie puo ketsüu rübei rheilieyakezha zo mu teisozha ser ketso rei a bu kediu ki lenu a kieshü mo zote.”

Mhasidie 12:19

Kedietho tie-e kechachie tuotuo, derei kemeda meüe dopuo la zo.

Isaya 41:23

Hasie kedipuo vortie shi hie ki pushücie, sitse hie nieko terhuomia zo ücü silietuo; mha kevi chüshüyi, moro mha kesuo chüshücie, sitse hie michie mu merietatuo.

Isaya 44:25

Kecürüko thuophi pie kemethuo chüwa, mu thuophimia pie kenyamia chükewau; mhakesimia shü kerüreiwa, di uko mhasi pie kenya chükewau;

Ezekiel 13:17

Siro no, themiau, n zie pie n themia nuopfüko, u thuo u noule nunu siedzedie puyakezhako petsoushülie; sidi siedzedie pu uko petsoushülie,

Ezekiel 13:19

A themia donu barli lha u dziezhü ketshu puo la mu niekhrüda huoyo la nie a za perhu, kerheiro siatazhü kemoko dukhrituo, tsiu rhei ba zhü kemoko perhei lashü, kemeda rünyüyakezha a themiako ki kemeda pu.

Ezekiel 13:6

Ukoe ketijü ziemho nguya, kemeda siedze pu di “Jihovae puya,” siya, Jihova uko ketseshü mo zorei, sidi uko die chülietuo nhiekecü merü baya.

Daniel 2:16

Süla Daniel kediu ki nu le di kediu bu puotei pie puo tsünu cha mu puoe kediu ki puocau pushütuoüshü.

Daniel 2:21

Puoe bavüdoko mu puoteiko bie kedishüya, kedimia bu krütaya mu kediko bu sielieya; puoe mhasipie mhakesimia tsüshüya, tsiu kesikele pie mhacamhala silieyakezhamia tsüya.

Daniel 2:8

Sitse kediu la sie, “Nieko puotei ngu salie nyü keba a si tou bate, kekreilamonyü a thezho kemetei se puo khashüwaketa la:

Daniel 3:15

Tsie nieko chükia, luoü, lyre, trigon, harp, übou, mu tsali neiünei pfhe kesiki tsu di a chükeshü miarhiu rüsuolie liro vi zo. Derei mhanuü nie rüsuo mvü ro, tsie rükri nieko kelhoupie mi tu kebau nu shüwatuo, siro terhuo kikecüpuonie a dzie nunu nie kelalie vituo ga?”

Daniel 5:28

PERES, n kedi kezawate sidi khapie Medesmia mu Persiako tsüwate.”

Daniel 5:31

Siro Medesmia Darius-e cie hiesorouekenie phichüketa ki kediba süu lielie.

Daniel 7:25

Puoe Kerükrietho-u petsoukecü dieko putuo, Kerükrietho-u vieketa kemesako bie pesuotuo, tsiu puotei kemesako mu thezho-u bie kediwa nyü sietuo; sidi puotei puo, puotei kenie, tsiu puotei puotie idi süko khapie puo kekuo khrükhro shüwatuo.

Korintmiako Kenieu 2:17

Hie zowe kekreimia kekra tuoi Ukepenuopfü dieu pie thelhi kechü mhie tuo mo zo; derei Ukepenuopfü thuo hie ketsekeshümia chü, Khrista nu mu Ukepenuopfü mhodzünu tha di ketherachie mo di süu puya.