Daniel 2:5 - Angami Naga CL (Re-edited) Bible (BSI)

⁵ Sitse kediu Chaldiako die kela di sie, “Mechü mhodzünu die puo khashüya: Mhanuü nieko a mho mu süko ca pushü moliro, nieko ciechücierhawatuo, mu nieko kiko bie perawatuo.

Daniel 2:5 Iomraidhean Croise

Kediko Kenieu 10:27

Siro ukoe Baal terhuorhiko bierhuowa, tsiu Baal rüsuokiu pekawa, sidi süu chüpie thie ketso rei rhuketa ki puo chüwa.

Ezra 6:11

Siro a thezho puo chü sashüya, süusü themia kehoupuorei hau bie kediwa liro themia süu kinu kizo ciethalie di süu geinu puo rhüpie zhawatuo. Ki süu pie thubuokhru chüwatuo.

Chieliko 50:22

“Tsie hauha leliecie, nie Kepenuopfü rükra motayakezhako, mo üro a bu nie ciechücierhawa, di miapuorei kelakeshü jütatuo!

Chieliko 58:7

Uko bu dzü zetayakezha tuoi ze jütacie; mia bu kedekewa nha tuoi di uko bu rüwitacie.

Daniel 2:12

Mha hau la kediu puo nei mo kemerie chüta, sidi Babilon nu mhakesimia pete pekawanuta.

Daniel 3:29

Süla a thezho puo chüshüya: Seyie kehoupuorei morei die kekreikrei puyakecü kehoupuorei Shadrak, Meshak mu Abednego Kepenuopfü thakecümia u mo duchüdurhawatuo, mu u kiko bie perawatuo; terhuo kekrei hakemhie di mia kelashüketuo ba mo zocü la,” sita.

Daniel 4:9

“He-i Belteshazar, kemeduoko kezhau, kemesa rhuoko ruopfüu n gei keba a si, mu pekhrepie keba puorei n mhata mo zo. Süla a mho pemakecü hau we; puoca a ki pushücie.

Pulakeshüzho 13:16

Noe sünu mhavako pete kengu se vor nadiu phetsuo nu shüwa di nadiu tsiu puo mhavako pete mi pie thewatuo, thepie Jihova n Kepenuopfü ki keshü mhie di thewatuo, süu kechachie nyopfhükhru puo tuoitatuo, süu pesie lalie lho.

Joshua 6:26

Süteiki Joshuae rüse puo pie uko gei shü, di sie, “Themia kehoupuorei sie di Jeriko nadiu chü laketuo dojükecümia bu Jihova mhodzü rüsepfücie! Kehoupuorei puomvü dzekeshüu puo nuo nuorieu pejütuo; mu kehoupuorei kharu sedekeshüu puo nuo nhicutho-u pejütuo.”

Samuel Kerieu 15:33

Derei Samuel-e sie, “N zhiechau geinu thenupfümia nuonuo bie pejükewa tuoi, n zuo rei thenumia donu nuojüpfü chütatuo.” Sidi Samuel-e Gilgal nu Jihova mhodzünu Agag dukhripie khrie phaphawa.