Daniel 2:4 - Angami Naga CL (Re-edited) Bible (BSI)

⁴ Sitse Chaldiako sie kediu ki (Aramaikmia die nunu) “He-i kediu rhei kechau chücie! N kituoko ki n mhoko pushücie, sitse hieko puocau kela se parshütuo.”

Daniel 2:4 Iomraidhean Croise

Keriekitho 31:47

Siro Laban süu za pie Jegar-sahadutha chü; derei Jakob-e süu üse Galid chü.

Keriekitho 41:8

Süsie khise vorlie tse puo nou kemezhie bata; süla puo themia ketsepie Ijipt nu meduoyakezha pete mu sünu mhakesi pete kieshü; sidi Faro puo mho pie uko ki pushü, derei miapuorei süu ca vatshapie Faro kieshülie mota.

Kediko Kerieu 1:25

Kekreilamonyü puoe thie tuo vote, sidi pedo mu peri puo phou kevi mu tekuo kekra dukhripie ruosuo chüshüte, siro kediu nuonuoko pete mu rüpfhünuoko mhokezhau Joab, mu Abiathar zievo-u kie, mu harie ukoe puo mhodzü nunu cüükrie bate, sidi sie, ‘Kediu Adonija bu rhei kechau chücie!’ izhie.

Kediko Kerieu 1:31

Sitse Bathsheba zerelie di sie, “Kediu a niepuu David bu kechachie rheiketuou chüliecie,” sishü.

Kediko Kenieu 18:26

Sitse Hilkia nuou Eliakim, mu Shebna, mu Joah sie Rabshakeu ki, “N kituoko ki Aramaik die nunu pushüthie; süu hiekoe silieya; mu dahou nu keba themia nyieto khieki nu Judamia die nu hie ki puta hiecie,” sita.

Ezra 4:7

Siro Artaxerxes teiki, Bishlam, Mithredat, Tabil mu uko zemiakoe leshü thupie Persia Kediu Artaxerxes tsü, leshüu Aramaik die nu thu di thuyie chü sashü.

Nehemia 2:3

Sidi sie kediu ki, “Kediu bu rhei kechau chücie! Kiüdi a zie ngu pesuo motuo mu? Nadiu, a puonuoko kekhru chü, ruo zhüte mu kharuko mi bu the pesuowate.”

Isaya 36:11

Sitse Eliakim, Shebna, mu Joah sie Rabshakeu ki, “N pezie rei Aramaik nunu n kituoko ki pushücie, hie süu si ba; dahou nu mia kesi kinu Judamia die nunu hieko ki mha pu hiecümu,” si.

Isaya 44:25

Kecürüko thuophi pie kemethuo chüwa, mu thuophimia pie kenyamia chükewau; mhakesimia shü kerüreiwa, di uko mhasi pie kenya chükewau;

Daniel 1:4

khriesa ulheulhou tseikecümia, zivi, mhasi cha kehoupuo nu rei kesimia tsiu mhacamhala si siro mha kele, kediki nu puo lie chülie kevimia huo ze vornuta; Chaldiamia mhasi mu puo die se uko pethalieketuo la.

Daniel 2:7

Sitse uko va kenieu rei puo ki, “Kediu bu puo mhoko pie puo kituoko ki pucie, sitse hieko süko ca pushütuo.”

Daniel 3:9

Sidi uko sie kediu Nebukadnezar ki, “Kediu bu rhei kechau chüliecie.

Daniel 4:19

Sitse Daniel, Belteshazar üyakezhau dopuo puo va pethowa. Puo keleko puo kedewaketa la. Sitse kediu sie, “Belteshazar, a mho-u morei puocau bu n kedewa hiecie.” Ru Belteshazar puo die kela di, “A niepuu, n mho-u bu n ngumecüyakezhamia la, mu puocau bu n ngumvümia la tacie!

Daniel 4:7

Sitse kemeduoko, khrüthemvü dze kesiko, Chaldiako mu themouko a ki vor, mu a uko ki a mho pushü, derei ukoe puocau a ki pulie mote.

Daniel 4:9

“He-i Belteshazar, kemeduoko kezhau, kemesa rhuoko ruopfüu n gei keba a si, mu pekhrepie keba puorei n mhata mo zo. Süla a mho pemakecü hau we; puoca a ki pushücie.

Daniel 5:10

Siro kedipfüe kediu mu puo niepuko kerüchü ketha sishü tse, thehe bouu nu vor. Sidi kedipfüe sie, “He-i kediu, rhei kechau chüliecie! N keleko bu n kedewa hiecie morei n zie bu zisuota hieyi.

Daniel 5:8

Sitse kediu themia mhakesiko pete vor, derei khuthu phrülie kenjüta morei puocau pie kediu ki pushülie lhota.

Daniel 6:21

Sitse Daniel sie kediu ki, “He-i kediu, rhei kechau chüliecie!

Daniel 6:6

Süla kezhako mu kedinuoko kediu ki vor di sie, “He-i kediu Darius rhei kechau chüliecie!

Daniel 6:7

Kedirüvie nu kezhako, mha kekhakezhako, kedinuoko, mia tarhoyakezhako mu ahngkoe kediu zho puo sedetuoü mu mha kekhakecü puo chü kemeteituoü kedierheliete, süu themia kehoupuorei zha ser donu no zo kemosie Kepenuopfü morei themia ki kecha chü ro, he-i kediu, süu tepie loshako bou nu shüwaketuo.

Mathi 21:9

Siro themia krodi puo mhodzütsa mu puo sietsa ketuoko shie di sie, “David Nuou, Hosana! Niepuu za se vorkezhüu thejakepfütho! Tei pesotho gei rei, Hosana!” isi tuota.

Samuel Kerieu 10:24

Tsiu Samuel-e themia pete ki, “Harie nieko Jihovae kedakelie themiau mehoshüyi, themiako donu puo kemhie puorei jü zo die?” Sitse themiako shie peto di sie, “Kediu bu rhei kechau chücie,” sita.