Daniel 2:11 - Angami Naga CL (Re-edited) Bible (BSI)

¹¹ Kediu mhacha kebau rethorcü puote, mu themia ze lhou ba kemo terhuoko zo kemosie miapuorei hau pie kediu ki pushülie kenjü.”

Daniel 2:11 Iomraidhean Croise

Keriekitho 41:39

Sitse Faroe Josef ki, “Ukepenuopfü thuo mha pete pie n pekieshü eru, miapuorei n de, mhale menuo mu mhasikecü ba mowe.

Keriekitho 41:8

Süsie khise vorlie tse puo nou kemezhie bata; süla puo themia ketsepie Ijipt nu meduoyakezha pete mu sünu mhakesi pete kieshü; sidi Faro puo mho pie uko ki pushü, derei miapuorei süu ca vatshapie Faro kieshülie mota.

Kediko Kerieu 8:27

“Derei Kepenuopfüe kijü nu lhoutuoü ketho me? Harie, teigei mu tei kerükrietho-u rei n se balie kenjüe; siliro a chükelie ki hau kedipfü süki rei meretie shi!

Seyiedze Kenieu 6:18

“Derei Ukepenuopfü kijüu themia ze lhou ba ketholietuo me? Tei mu tei kerükrietho-u zorei n khapie balie kenjü eru, a chükelie ki hau sü cüthor zo.

Chieliko 132:14

“Hau kechachie a rülei bau zo, a haki lhoutuo, a hau a nei.

Chieliko 68:18

No kijü kerükrie gei sie, kedie kechü tezete; mu themiakoe mha pie n ketsüko pielie; n perhiepetsoukecümia kinu zorei; Jihova Ukepenuopfü bu sünu bakecü la.

Toukepra 29:45

Mu a Israelko donu lhoutuo, mu ae uko Kepenuopfü chütuo,

Toukepra 8:19

Sitse kemeduokoe Faro ki, “Hau we Kepenuopfü dziekinuoute.” Derei Faro nou chü perewa, sidi puoe unie die rünyü mvüta; Jihova pukeshü mhiei.

Isaya 47:12

N khriesarüü nunu chü kemezhie kesier no mia kemoukecüko, mu n themou neiüko nu tha kemeteishü phi, no kuolie mu mha kedelie thenyüsie ro.

Isaya 57:15

Rükrie mu zha di telhekechachie bayakecüu, Kemesapie puo za kechüue puya: Ae thechü kerükrie mu kemesa nu baya, tsiu u noumezhie mu u nou rünuokecümia rei sa ze baya, u nou kerünuomia nou chü perhei lashütuoü, mu u nou mezhiekeliemia nou chü perhei lashüketuo la.

Isaya 8:18

Harie, a mu Jihovae se a tsükeshü nuonuoko ha krodiko Jihova Zion kijüthou gei bayakecüu kinu kepar Israelko donu zasiko mu u ngoko kro puo zotuo.

Daniel 4:4

A, Nebukadnezar, a kinu rüleitshüi mu a kediki nu kruo phi ba ru.

Daniel 5:11

N kedirüvie nu mia puo kemesa rhuoko ruopfü puo nou bayakezha puo ba. N puo teikiko nu terhuoko mhasi kemhiei, puocapuola sikelie mu mha kesikele puo gei keba ngu. N puo, kediu Nebukadnezar, puo chüpie puo bu kemeduoko, khrüthemvü dze kesiko, Chaldiako, siro themouko mhokezha chüwa,

Joel 3:21

A uko zie khepu lietuo, mu a uko kejokemouko chü kemesalie lho, Jihova Zion gei bakecü la.

Nuolhoutsüphrü 35:34

Nie lhou keba kijüu nu a rei lhou ba, süu chü perhuwa lho, kekreilamonyü ae Israelmiako donu lhou bayakezhau Jihova zokecü la.

Mathi 19:26

Derei Jisu uko meho terü di sie, “Themia zo we süu chükelie jü, derei Ukepenuopfü la we mha pete chülie vi.”

Johan 1:14

Siro Dieu chüüphou mevi vor hie donu lhou, mu hie puo zayieu, ngukemezhie mu ketho bu tshukepfü, puo nuo pfuliu zo ükecü zayieu ngu.

Johan 14:17

Hauha ketho Ruopfüu, kijüu puo zelie kenjükecüu zo, süue puo nguya mo, morei puo si reiya kemo la. Niekoe puo si ba, puo nieko ze tuoya, mu nieko nou tuo zotuocü la.

Johan 14:23

Jisu sie puo ki, “Kehoupuorei a khrieyakezhamia a die zetuo, siro Puou rei sümia khrietuo, mu hienie sümia ki vo di sümia ze batatuo.

Korintmiako Kenieu 6:16

Sizomonyü Ukepenuopfü rüsuokiue terhuorhiko ze kedipuo kepupie zhü ga? Kekreilamonyü we rhei tuoyakezha Ukepenuopfü rüsuokiu zo; süla Ukepenuopfü thuo pukecü, “A uko donu lhou di uko ze tuotuo, mu a uko Kepenuopfü chütuo, siro ukoe a themia chütuo.

Pesikeshü 21:3

Sitse ae kedibau geinu mhapfhe meyiemeluokecü puo sie, “Harie, Ukepenuopfü pruu themia donu bate. Puo uko Kepenuopfü chü di uko ze lhoutuo; uko puo themia chütuo, mu Ukepenuopfü thuo uko ze batuo;