Daniel 12:1 - Angami Naga CL (Re-edited) Bible (BSI)

¹ “Süteiki Mikael, kedinuo kezhau, n themiako keyau siertuo. Siro kemezhiekecü tei puo siertuo, süusü seyie chükelie therie nunu sikecü vor mo zoluocü. Derei sükisü n themiako leshüdau nu u za thupie kebako kelalietuo.

Daniel 12:1 Iomraidhean Croise

Chieliko 56:8

Noe a rühou kho mu kekecü ngushüte; a mhidzüko pie n chüzhüsü nu shüliecie; süko n leshüda nu ba mo me?

Chieliko 69:28

Kerheimia leshüdau nunu uko vawalie, mu kemiathoko kro nu uko sa rei hie.

Isaya 4:3

kehoupuorei Zion nu mu Jerusalem nu lhiepiekebako üse mesa üdi kietuo, kehoupuorei puo phou la Jerusalem nu puo za thulieketau.

Isaya 9:7

Puo sorkari kruo sei zhü zotuo, siro David kedibau gei mu puo kedirüvie nu vitho puo thela balie lho zocü la. Puoe kethoca tsiu kemiatho se süu chüshü mu se balietuo; thie yawinu vo kechachie ketso. Krodiko Jihova shürheiu thuo hau chüshütuo.

Jeremia 30:10

Derei n la zo we, michieta hie, a kituou Jakob, Jihovae siya, tsiu nie ziejüta hie, he-i Israel; kekreilamonyü a kepetsera nu, mu n seyieko miadie chü ketuo kijü nunu kelashütuo. Jakob-e la vorlietuo sidi kerülei ngulie di kemekrie batatuo; siro miapuorei puo chüpie puo bu michietalie lho.

Jeremia 30:7

He-i! Teisozha süusü zhaza sü kemhiekecü jü; süu Jakob kemezhiekecü teiu, sirei sünunu puo kelalietuo.

Ezekiel 13:9

A dzie-e ketijü ziemho kenguko mu kemeda siedze puyakezha siedzekesiko petsoutuo, uko a themiako kehouu nu balie lho, morei Israel kiu nu u za thulie lho morei Israel kijüu nu lelie lho; sitse nie ae Niepuu Jihova ücü silietuo.

Ezekiel 34:24

Siro a, Jihova thuo uko Kepenuopfü chütuo, mu a kituou David bu uko donu kedinuou chütuo, a, Jihova thuo pushüte.

Ezekiel 5:9

Siro no kerütsekecü pete chükecü la, a n gei thiedzü chüshü kemo tsiu hasietsa rei chüshülie kelhopfü chüshütuo.

Daniel 10:13

Derei Persia kedirüvie nu kedinuou zha mepfüepuo a perhiete. Süla Mikael, kedinuoko kezha puo vor a khruohishü, mu a puo bu Persia kedirüvie nu kedinuou ze bate,

Daniel 10:21

Derei kethodie dau nu thupie kebau a se n ki pushütuo. Mikael, nieko kedinuou zo kemosie, kedinuoko petsouketuo a zemia puorei ba mo.

Daniel 11:45

Sidi puoe kedi pfhekiko se vo dzükezha mu kemesa kijüthou donunu pethoushütuo. Sirei puo puo thelau tsotatuo, mu miapuorei puo khruohishülie lho.

Daniel 7:10

Miü rücü chü par sidi puo mhodzü nunu kru par. Mia nyienyiekecü puo lie chü, tsiu nyie kercü nyie ker puo mhodzünu tha. Mia ketsoketuo la dienya bau chülie, tsiu leshüdako lhalie.

Daniel 9:12

Puoe hie mu hie kezhako petsoukeshü puo dieko chü toushüte, hie kepeka sü zhathor zo, süusü Jerusalem petsou di chükeshü mhie tei khro kekreira chüshü chie mo.

Joel 2:2

teisozha kezei puo mu thedzükekou teisozha puo, kimhou shübouikecü tsiu zeibouikecü teisozha puo! Teimekiekecü tuoi di kijüthouko zepfülietuo, zha mu kuo phikecü rüpfhünuo vortuo; thiedzü rei uko mhiekecü vor mo, morei hasie rei uko mhiekecü vorlie lho.

Malaki 3:16

Sitse Ukepenuopfü rhu tuoyakezhakoe huoniehuo rüchü, sitse Jihova leshü mu rünyüshü, sidi Jihova rhu tuoyakezhako mu puo za le tuoyakezhako la puo kerükra leshüda puo thulie.

Mathi 24:21

Kekreilamonyü kemezhiekecü süu re phi zotuo, kijü chülie tse nunu vor tsie ketso sükemhie chü mo mu sükemhie chü lalie lho.

Mark 13:19

Kekreilamonyü süki kemezhietuo, Ukepenuopfü kijüu chülie tse nunu vor tsie ketso kemezhiekecü süthede chü kemo mu thiesie mhakipuorei silie kelho chü vor zotuo.

LUK THUKESHÜ DIELIEKEVI 10:20

Sirei ruopfüko nie die zeketa la nieko nei hieü, nie za thupie teigei zhüketa la nie neiliecie.”

Rommiako 11:15

Uko meliekewa la kijüu bu kezevilie liro, uko ze lakelie-e kesia nunu rheikelie puo zo mo üme?

Rommiako 11:26

Sidi Israel pete kelalietuo; süu thupie kezhü, “Zion geinu Kelakelieu vortuo; sidi Jakob geinu kerüzhüko chüwatuo.”

Efesako 1:21

sidi puo bu mha kekhayakezha siro kekuo kenyi tsiu kekuo mu kedi kechü pete mho shü, mu theza peteko mho zhakuokecü theza puo se tsiedo kelhouko rübei zomonyü thiesie kelhou teiu nu rei sa.

Filipiko 4:3

U, mu harie, a dziese ketho-u, Siziga, a n bu thenu hanie khruohi sashünu pushüya, unie-e Klement mu a ze mhachüyakezha kerhei leshüda nu u za thulieketako rei ze dieliekevi lietho-u nu u rhiechü di a khruohi phi zocü la.

Juda 1:9

Derei Mikael teigeidielie kezhau thuo rei thiedzü Mosa mo-u dze terhuo kerüzhüu ze kemeü di keprüli kesie ki puo kre di puo pejoshü michie di sie, “Niepuu thuo n ruotuo,” sita

Pesikeshü 1:5

mu kijü nu kediko mhokezhau, kesiako donunu rheisiekelie kerietho-u, kedietho zhapuu Jisu Khrista kinu nie gei vorcie. U khriekezhau mu puo zie pie u kephoumako nunu u rhakeshüu,

Pesikeshü 12:7

Süsie teigei terhü chü sierta; Mikael mu puo dielieko tinyhüu ze kegei. Siro tinyhüu mu puo dielieko rei mia ze kegeita,

Pesikeshü 13:8

mu kijüu chükelie mhodzü u za thupie dukhrikewa Tekuonuou kerhei leshüdau nu zhüketako zo kemosie, kijü nu lhouketuo pete süu rüsuotatuo.

Pesikeshü 17:14

Ukoe Tekuonuou ze terhü chütuo, sirei Tekuonuoue uko penyüwatuo, puo niepuko mho Niepuu mu kediko mho Kediucü la, siro kielieketako, mu kedakelieko tsiu kediethoko puo ze tuo.”

Pesikeshü 20:12

Sitse a kesiamia kecü rei kezha rei kedibau mhodzü thacü ngu, süsie leshüdako lhalie. Mu leshüda kekrei puorei lhalie, süu kerheiprü leshüdau. Siro kesiamiako mhatho leshüdako nu thupie kezhüu medzi di uko nyie kecü.

Pesikeshü 20:15

tsiu kehoupuorei u za thupie kerheiprü leshüda nu zhü kemoko kelhoupie mizieu nu shüwa.

Pesikeshü 3:5

Nie kuolie üro, nie rei süko tuoi di pfhenei kekra setuo, mu kerhei leshüdau nu nie za vawa lho; sidi a a Puou mu puo dielieko mhodzünu nie za phratuo.

Pesikeshü 7:14

Sitse a puo ki, “Kepethau, hau sikecü sü no zo.” Sitse puo a ki, “Hako mia bu u pechüpenyü phikewa nunu vorwe; uko u pfheneiko Tekuonuou zie nu menyi pekraliete.