Daniel 10:1 - Angami Naga CL (Re-edited) Bible (BSI)

¹ Persia kediu Sairos dikelie cie se cie, die puo se par Daniel, puoü Belteshazar ükecüu pesishü. Dieu ketho zo, mu süu ketekegeikecü kezha puo dze. Puoe ziemho nunu dieu silie di puocapuola silie.

Daniel 10:1 Iomraidhean Croise

Keriekitho 41:32

Süla Faro bu puo mho kepema sie pemakecü süu Kepenuopfü thuo chüshü mu Kepenuopfü thuo süu chü mhaishütuo.

Seyiedze Kenieu 36:22

Persia kediu Sairos kedi chülie therie cie, Jeremia tie nunu Jihova die bu tseilieketuo la, Jihovae Persia kediu Sairos ruopfüu hüshü di puo bu kedirüvie pete nu pesishü mu thu rei sashü.

Ezra 3:7

Siro ukoe priesa pie ketsie mistiri mu sei mistirimia tsüwa; siro kecükekrie mu tier pie Sidonmia mu Turmia tsü di, uko bu Lebanon nunu sedarbo se vor dzükezha nu Jopa nu shü, uko Persia Kediu Sairos kinu ngukelie kemhiei.

Ezra 4:3

Derei Zerubabel, Jeshua mu Israel chienuo krütako pete rei uko ki, “Ki chüpie hieko Kepenuopfü tsüketuotsa we nie hie ze mhachüketuo ba puorei jü; hie thuo hie rübei di Persia kediu Sairos kepu tuoi chüpie Jihova, Israel Kepenuopfü tsütuo,” sita.

Ezra 4:5

siro Persia kediu Sairos teiki nu vo Persia kediu Darius kedi kechü ketso theso pie mia ketarhoko so di uko kebvü tuo tso.

Ezra 6:14

Siro Judamia phichüko kiu chü, tsiu siedzekesinie Hagai mu Ido nuou Zekaria unie siedzedie kepu geinu chü pevi selie. Ukoe Israel Kepenuopfüe diekhakeshü mu Sairos, Darius mu Persia kediu Artaxerxes uko thezho khakeshü medzi di kiu chülie, tsiu süu chü tseiwa.

Ezra 6:3

Puo dikelie teicie therie cie, Sairos Kediue die khakeshü: Jerusalem nu Ukepenuopfü la, kiu chüliecie, ruosuo chüyakezha mu kethe ruosuo khashüyakezha thechüu, puo rükrie thu hiesorou, mu puo zha thu hiesorou;

Isaya 44:28

Sairos ki, “Puo a kuopfheu, mu puo a medo pete chü tseishütuo,” ikeshüu, tsiu Jerusalem dze pu di, “Puo chü lalietuo,” ikeshüu, mu rüsuokiu dze pu di, “N mvüdzeu dzeshütuo,” ikeshüu.

Daniel 1:17

Tsiu Ukepenuopfüe kesikele siro leshü mhasi kehoupuorei silieketuo do keviko se nuo dia hako tsüshü, mu Daniel bu ziemho tsiu u mho pete ca silie kevi pie tsüshü.

Daniel 1:21

Siro Daniel-e Sairos dikecü therie cie ketso rei sünu bata.

Daniel 1:7

Siro kedikiu nu kezhau uko zathoshü: Puoe Daniel pie Belteshazar chü, Hanania pie Shadrak chü, Mishael pie Meshak chü, mu Azaria pie Abednego chü.

Daniel 10:14

sidi thelatsa n themiako gei kedipuo chü vortuo shicüko pie n bu silietuo üdi a vorte. Kekreilamonyü ziemho-u liro thiesie teisozha kekra late.”

Daniel 11:2

“A tsie ketho-u se n ki pushütuo. Persia nu kedi se sier satuo. Kedi diau peteko ki mhanyikuotuo, mu puo kinyi la kuo sierta tse, puoe mia peteko hüpie Grik kedi ngumvü sietuo.

Daniel 12:4

Derei Daniel, no we, die hako pekhrepie balie, mu thela teiu vor kemochie leshüdau zasi vüpie bawalie. Themia kekra ta lutsahatsa votuo, mu mhasi kra miemietatuo.”

Daniel 12:9

Sitse puo sie, “N cha nu volie, Daniel, kekreilamonyü die hako pekhrepie ba zotuo, mu thela teiu vor kemochie khapie ba zotuo.

Daniel 2:21

Puoe bavüdoko mu puoteiko bie kedishüya, kedimia bu krütaya mu kediko bu sielieya; puoe mhasipie mhakesimia tsüshüya, tsiu kesikele pie mhacamhala silieyakezhamia tsüya.

Daniel 4:8

Sirei Daniel a mhodzünu vor, Belteshazar üdi a rhuou za nunu puo za thokeshüu, siro puo gei terhuo kemesako ruopfü ba mu a puo ki a mho pushü:

Daniel 5:12

kekreilamonyü ruopfü kevitho puo kesikele, tsiu u mhoca pulie kevi mhasi, dieviko ca pukelie, mu mha kereko mezamezhüshülieyakezha Daniel gei ba, kediue puoü Belteshazar üyakezhau. Süla tsie Daniel kieshücie, sitse puoe puocau pushütuo.”

Daniel 5:17

Sitse Daniel-e kediu mhodzü nunu puo die kela di, “No mha methuo khashütuoü kebako bu n vie chü ba zolie, morei n zhakhrau pie kekreimia tsüwalie! Sirei a khuthuu phrüpie kediu pesishütuo mu puo bu puocau silietuo.

Daniel 6:28

Sidi Daniel-e Darius kedi kechü ki mu Persiamia Sairos kedi teiki ketso rei vi kehie miemielie.

Daniel 8:16

sitse Ulai rüu khieki mia pfhe puo si, süu shie di, “Gabriel, themia hau khruohipie puo bu ziemho hau siliecie.”

Daniel 8:26

Siro thevatie mu khise ziemho pukeshüko ketho zo. Siro no, ziemho-u pekhrepie bawalie, süu teisozha kekra sie nu chütuokecü la.”

LUK THUKESHÜ DIELIEKEVI 1:20

Derei no tsie a dieko, puotei vorlie ro chü tseilieketuo pele kemo la, mha hako chü vorketuo teisozhau tsolie kemochie no liehuo di die pulie mo batatuo.”

Pesikeshü 19:9

Sitse teigeidielieu sie a ki, “Hau thuliecie: Tekuonuou nuyie heu nu vonu di kiekelieko thejakepfütho.” Siro puoe a ki, “Hako Ukepenuopfü die ketho zo.”