Daniel 1:4 - Angami Naga CL (Re-edited) Bible (BSI)

⁴ khriesa ulheulhou tseikecümia, zivi, mhasi cha kehoupuo nu rei kesimia tsiu mhacamhala si siro mha kele, kediki nu puo lie chülie kevimia huo ze vornuta; Chaldiamia mhasi mu puo die se uko pethalieketuo la.

Daniel 1:4 Iomraidhean Croise

Keriekitho 41:46

Siro Josef Ijipt nu kediu Faro lie chükelie ki cie serta. Ru Josef Faro mhodzü nunu prata, di Ijipt kijü nu rühou voshü.

Samuel Kenieu 14:25

Siro Israel pete nu zivi tshekecü miapuorei Absalom kemhie tuo mo; puo phitshü nunu kho puo tsü gei keditsüre ketso kezisuo yopuorei tuo mo.

Mhasidie 22:29

No mia huo mhachü si seketuo ngu mo? Puo kedimia lie chütuo, puo miahoumiaruomia lie chü lho.

Pethakeshüu 7:19

Nadi nu kezhamia ker ki rei mhasi-e kekuo khapie mhakesimia tsükuoya.

Isaya 36:11

Sitse Eliakim, Shebna, mu Joah sie Rabshakeu ki, “N pezie rei Aramaik nunu n kituoko ki pushücie, hie süu si ba; dahou nu mia kesi kinu Judamia die nunu hieko ki mha pu hiecümu,” si.

Jeremia 5:15

Ae kepetsera nu seyie puo bu nieko gei vortuo ho, he-i Israel kinuko, Jihovae siya. Süu seyie kemetei puo, süu seyie kewe puo, seyie süu die no si mo, morei uko kedipuo pu ba shiü no silie lho.

Daniel 2:10

Sitse Chaldiakoe kediu ki, “Kijü nu miapuorei kediu cha keba hau pie puo pekieshülie lho zo! Siro kedimia puorei puo thuo zha mu kuo phi ba rei, miapuorei kemeduomia morei khrüthemvü dze kesimia morei themoumia morei Chaldiamia ki mha haikecü ketso chie mo zoluo.

Daniel 2:2

Süla kediue kemeduoko, khrüthemvü dze kesiko, mu themouko tsiu Chaldiako kieshünu di diekhashü, kediu mhoko pie puo pesishüketuo la. Sitse uko vor kediu mhodzünu thalie,

Daniel 3:8

Siro süteiki Chaldiamia huo tuo penuo vor, di Judako pejota.

Daniel 4:7

Sitse kemeduoko, khrüthemvü dze kesiko, Chaldiako mu themouko a ki vor, mu a uko ki a mho pushü, derei ukoe puocau a ki pulie mote.

Daniel 5:11

N kedirüvie nu mia puo kemesa rhuoko ruopfü puo nou bayakezha puo ba. N puo teikiko nu terhuoko mhasi kemhiei, puocapuola sikelie mu mha kesikele puo gei keba ngu. N puo, kediu Nebukadnezar, puo chüpie puo bu kemeduoko, khrüthemvü dze kesiko, Chaldiako, siro themouko mhokezha chüwa,

Daniel 5:7

Sitse kediue melie shiekhoui di sie khrüthemvü dze kesiko, Chaldiako, mu themouko ze vornuta; siro kediu Babilon nu mhakesiko ki, “Kehoupuorei khuthu hau phrülie tsiu a ki puocau pulie liro puo bu pfhenei keloshükecü setuo, suna cü kelietuo, mu kedirüvie nu kezha seu chütuo.”

Daniel 9:1

Chaldiako rüna mho, Medemia yie puo Ahasurus nuou Darius kedi chü therie cie,

Zekaria 2:4

sidi puo a ki, “Tashülienukecü, khriesa luu ki pushücie: Jerusalem-e puo sozha sa kemo rünako mhietatuo, kekreilamonyü themia mu khunuo sünu ba seketa la.

Mhakechüko 7:20

Süteiki Mosa penuolie, puoe Ukepenuopfü mhodzünu nuo kezivi phi yopuo. Khrü se puo puo ki nu theke,

Mhakechüko 7:22

Süla Mosae Ijiptmia mhasi pete pie pethapfülie di puo die nu mu puo mhathoko nu kuo se sierta.

Efesako 5:27

sidi puo thuo puo la kehouu bu zivi, rürhü morei kerhu da mo di mesa mu ciewa kelho la zo.

Capiko 8:18

Siro puo Zeba mu Zalmuna unie ki, “Niekoe Tabor nu geikewako themia kikecü kro puo ga?” Unie sie, “Uko pete rei n tuoi zo, uko rei kedimia nuonuo mhie zo.”