Yohanis 4:3 - Anahatana ne Anamanaya tau Sou Naunue

³ Upuri Yesus iatinu ata sio onata arihoni akama Yahudi oaneiki nea oyo ikata ne mampusua na oeuso arihoni otoe Yudea na onunso pan otoe Galilea.

Yohanis 4:3 Iomraidhean Croise

Markus 3:7

Yesus runa ne mampusua oeuso oarihon sio hutue rei, oyo oeuso pan waene. Ne sio Galileau panesi, sio on pan otoe Yudea, sio on roe kota Yerusalem, sio on pan otoe Idumea, sio on ria Wae Yordan on ria hae, runa sio on pan kota Tirus na Sidon oeu pusu Yesus sio oi. Sio rei pusiso ohokaso pan Yesus tau oatinu rerihoni iuna sae.

Lukas 17:11

Yesus runa ne mampusua wason oeuso na roe kota Yerusalem. Oeuso oniku otoe Samaria na otoe Galilea nene nenene.

Yohanis 1:43

Nene han sani rei, Yesus iapamata sou nanie ieu poe otoe Galilea. Isupu Pilipus oyo iasau osiki ata, “Pilipus, mai na apusuku.”

Yohanis 10:40

Oyo Yesus isipu toha Wae Yordan na ieui ria hae, oyo iruei ria rei. Naone Yohanis isohu mansiau ria rei na mansiau oanei ata oarihoni no rosau nea.

Yohanis 11:54

Reiso Yesus ieu ria nau sui sio Yahudiu tewa nea. Ieu iau-iauhuniki man. Ieu arihon kota Yerusalem ikata ami ne mampusua na pan niane isa wan nanae Epraim. Niane rei wapan haineke otoe huie isa, oyo aruema pan rei.

Yohanis 2:11

Sae wan Yesus iunai pani kota Kana rei mo, ne sima-simane wan retuhete ata ne kawasa arihon Anahatana mataanoe. Sima-simane wani iunai rei mo, iatuhete ne kawasa wan mainae osi mansiau. Ne mampusua oparisaa tanui tau rei sirinia.

Yohanis 3:22

Taue isa Yesus ieu ikata ami ne mampusua pan otoe Yudea. Aruema pan rei na asohuso na mansiau oanei ata oarihoni no rosau nea.

Yohanis 3:32

Isima rerihoni sae waron inoo runa iatinure roe noiyaha nea. Ne sio panesi oparisaa tau sae waron iasau runare rei tewa.

Yohanis 4:47

Reiso iatinu ata Yesus wain ihokai on pani otoe Yudea na waipo otoe Galilea, oyo ieui poe Yesus na iapamanui. Iahata, “Upu, uainisi arihonia na aeu akataku poe Kapernaum. Tea mo, anaku waipo ikupui mtinte. Nanie imatai nea. Uainisi arihonia na asuisenei ee.”

Yohanis 7:1

Yesus ianamana osi sio panesi pusi, oyo ieu ihori otoe Galilea. Ipenei ieu poe otoe Yudea. Areimo tau sio Yahudiu no sio mainaya wason onina arena nanie ohunui.