Yohanis 3:3 - Anahatana ne Anamanaya tau Sou Naunue

³ Iahata, “Atinu mai ia-ia nanie uasau osia. Ia seia man iae wain iamrae honu tewa, mka Anahatana irime ne mansiau, ia mka ipusu tewa.”

Yohanis 3:3 Iomraidhean Croise

Markus 10:14

Yesus iatinu san rei, anoi resaa. Iahata, “Tapi sio ikina rei na oeuso mai tanuku! Pene osoposo! Sio wason oparisaa resun tewa sani sio ikina reini mo, sio sahoro mka opusu tau Anahatana irime ne mansiau.

Markus 9:47

Munata matam usene hae reunaya apalalosa, areimo apekui. Nene iake arue akata Anahatana tau irime ne mansiau runa matam usene hae man. Ne pene sio opesia poe usa mainae wan hainau arihon Anahatana na matam usena uare.

Yohanis 1:13

Ihitiso tau ne hehuka pusu no upu momou wason ne mansiau areimo tewa. Ihitiso tau ne hehuka pusu pina hanai no maue nanie osusu areimo tewa. Ne ihitiso tau ne hehuka areimo, tau Anahatana ruai sahoro nanie ihitiso.

Yohanis 1:5

Mansia mo, openeso tau Sou rei, tau iatuhete ata ouna kahatene. Ne sio kahatena onete kua Sou rei tewa. Noo sani pumono renete kua manahane tewa. Sou rei iatuhete sae sahoro manisate sirinia.

Yohanis 1:51

Oyo iakapena iahata, “Oatinu ia-ia mai, nanie uasau osimo! Omi mo, mka onoo nante rehukai oyo Anahatana ne maisosia on roe noiyaha osipu osaa mai Au Tumata Reini wain Anahatana Ihitiku.”

Yohanis 12:40

“Anahatana iuna matao raputiso, reiso onoo mosa tewa. Ihuka anoo tewa, reiso oanei tewa. Reiso onuni oninai tewa. Sinana oninai, Anahatana itotoe nea, ‘Mka uapuheuso.’”

Yohanis 3:4

Iahata, “Sapan na ia isa wain ia mainae nea, iamrae honu? Kani inusui pan inai tiai anoe honu na iamrae nai ua?”

Titus 3:5

Anoi runata, oyo iapuheuta na iamahaita rotu-tu ria supan. Iapuheuta pusu ita ruari anori manisata tewa. Ne iapuheuta pusu ia ruai iapunokota. Iapuheuta pusu iriti heu re rosau runa Ne Inaha iunata iamrae honu. Anahatana Ne Inaha iunata iamahaita rotu-tu ria supan.

Yakobis 3:17

Ne sani Anahatana roe noiyaha sahoro iunamo oanei sae waron iaka, sae waron iaka tewa, on mataanoe opusu Anahatana anomo manisata, oatana runa umau tewa. Oatinu tau sio umau no maue na opusui. Anomo runa sio mosokinia. Oakahai ia seia man. Oamuira sio hikina mainaya pusiso utuso. Oakarota tewa.

1 Yohanis 2:29

Oanei nea. Ia mo, Ia manisate. Oanei oi ata ia seia wain ia manisate mo, Amai tau Anahatana nea.

1 Yohanis 3:9

Ia seia man wain Amai tau Anahatana mo, saka ipalalosa tewa. Tea mo, iroma Anahatana ruai ne hali. Reiso saka ipalalosa tewa. Tea mo, Amai tau Anahatana.

1 Yohanis 5:1

Ia seia wain iparisaa ata Yesus mo, Ia Aia wain Anahatana Ihitiki na Iapuheu Mansiau, ia reimo Amai tau Anahatana. Ia seia wain anoi runa Amari Anahatana, areimo mka anoi runa sio wason no Ama tau Anahatana.

1 Yohanis 5:18

Ianei ata ia sia wain Amai tau Anahatana nea mo, ipalalosa sui osa tewa nea. Tea mo, Anahatana Anai isakai. Reiso, ia aia sakahatene, wain ia kahatene mainae, mka imunai tewa.

1 Yohanis 5:4

Tea mo, ia seia man wain Amai tau Anahatana mo, ipenei iuna sae waron sio kahatena mai tuniai reini ounare. Ita ipeneta tau ipusu sio kahatena mai tuniai reini, areimo tau iparisaa tau Yesus.