Yohanis 1:4 - Anahatana ne Anamanaya tau Sou Naunue

⁴ Ia sahoro iuna pusire ramahai. Ia wain iapuhaita rei mo, irori manahane osi mansia pusiki na oanei sae sahoro manisate.

Yohanis 1:4 Iomraidhean Croise

Lukas 2:32

Mka iuna sio wason sio Yahudiu tewa oi oanei ata mka iapuheuso na pene apasanaso na pusu Ia oamahaiso rotu-tu ria supan sani kamane eresita na ianei arena. Mka iunaso oamuira me mansiau, ami Israel.”

Yohanis 11:25

Yesus iahata, “Au sahoro una mansia oamahaiso honu na Au sahoro unaso oamahaiso okata Anahatana rotu-tu ria supan. Sio wason oparisaa tau Au, masike omataso nea iae, mka oamahaiso honu.

Yohanis 12:35

Oyo Yesus iahata, “Au sani Manahane. Mka ukatamo potuina tewa nea. Manahane rei wain ikatamo. Reiso, oni Manahane reini wain asi, oamahaimo pan Manahane rei. Pene tu-tu pumono renetemo. Areimo, tau ia seia wain ieu tau pumono mo, ianei mosa arena tewa.

Yohanis 12:46

Au wan uhokaku mai tuniai rein na uatuhete Anahatana ne arena osimo. Au sani manahane wan retuhete arena na onoo mosa. Uhokaku na ia seia wain iparisaa tau Au, mka irue iapumonoi tewa nea.

Yohanis 14:6

Yesus iahata, “Au sahoro arena na oeu roe Amaku. Au sahoro uatuhete sae wan manisate rerihoni Anahatana. Au oi, sahoro una mansia oamahaiso okata Anahatana rotu-tu ria supan. Hasae Au sahoro una arena na oeu roe Amaku.

Yohanis 3:19

Anahatana iapasana sio mai tuniai reini san rei. Anai ihokai mai tuniai reini atieu rei sani manahane na iatuhete sae wan manisate osi mansia. Ne sio anoo runa pumono. Anoo runa kahatene. Anoo runa manahane rei tewa. Tea mo, no atata kahatena. Reiso mka Anahatana iapasanaso.

Yohanis 5:21

Noo sani Amaku iuna mansia matane iamahaiki honu. Reiso Au iae, mka uapuhai mansia matane pusu ruaku we maue.

Yohanis 5:26

Iamahaiki tau Amaku ne kawasa tau iunaso oamahaiso rotu-tu ria supan. Ia iae irui kawasa rei osi Au na una mansiau oamahaiso okatai rotu-tu ria supan.

Yohanis 8:12

Yesus ianamana osi sio panesi wason oamanouso roe Anahatana ne numa mainisie nusue rei honu. Iahata, “Au mo, noo sani manahane osi mansia pusiki mai tuniai reini anoo. Nooi sani manahane resita sae man wan noi pumono na inoo mosai. Ia sia man wain ipusu Au mo, mka ieu pusu pumono tewa. Ne ieu pusu manahane. Manahane rei retuhetei sapani na mka iamahaiki ikata Anahatana rotu-tu ria supan.”

Atata 26:23

Pusima asau ata Ia Aia wain Anahatana Ihitiki na Iapuheu ne Mansiau mka sinsarai, oyo iuna tumata wain mataanoe imatai, oyo iamahaiki honu. Iamahaiki na isima osi sio Yahudiu runa sio wason sio Yahudiu tewa ata Anahatana mka iapuheuso na oamahaiso rotu-tu ria supan. Sani kamane resita na onoo pusire, Anahatana iapuheuso pusu iunaso oanei ne maunauna.”

1 Yohanis 1:1

Au wan ukanu surate reini nanie usima runa Sou wan iapuhaita na iamahaita ikata Anahatana rotu-tu ria supan. Sou rei mo, wain nea on tuniai reini remrae tewasi. Nanie usima runa sae wan ami atinui nea, sae wan ruama anooi tau matama usena nea, sae wan ariniiki nea. Ruama akahuui nea.

1 Yohanis 1:2

Ihokai mai tuniai reini reiso anooi nea. Asima na Ia wain iapuhaita rotu-tu ria supan. Mataanoe ikata Amari roe noiyaha ne ihokai mai tuniai reini na iruei ikatama.

1 Yohanis 5:11

Sae wan Anahatana isima runai osita nea, areimo Anahatana iapuhaita nea na ikatai rotu-tu ria supan. Iapuhaita rei, areimo hete sae anori osa na Anai.