Yakobis 1:2 - Anahatana ne Anamanaya tau Sou Naunue

^2-3 Wea kakau waniu, hutu nohue. Omi oanei nea ata sui supa man osinsaramo noso oparisaa tau Anahatana ne oparisaa sirinia. Mka oparisaa tanui rotu-tu omatamo. Osinsaramo ne oparisaa sirinia. Reiso sani osinsaramo, kahurae anomo mirika

Yakobis 1:2 Iomraidhean Croise

Atata 5:41

Reiso ohokaso oarihoni sio onata rei. Oeuso anoo miri-mirika. Tau sae, Anahatana iahata sio iaka, reiso itapiso ouna sinsaraso noso Yesus.

Pilipi 1:29

Anahatana iapuheumo, reiso masike opalalosa iae, irui iake mainae osimo na oparisaa tau Kristus. Irui iake mainae osimo ne itapimo kahi-kahimo oi. Kahi-kahimo tau opusu Kristus.

Pilipi 2:17

Masike sio kupania ohunuku na we nasi erenia sani tihu anggur wan sio ohui osi Anahatana iae, anoku miri-mirike sirinia. Omi mo, oparisaa tau Kristus ia-ia, reiso orui ruamo osi Anahatana, noo sani okenu makapanau na oruire osi Anahatana. Orui ruamo, areimo opusu Anahatana ne maue. Orui ruamo osi Anahatana sani au ruaku, reiso anoku miri-mirike.

Pilipi 2:18

Omi iae kahurae anomo miri-mirika. Tau ita pusita irui ruari osi Anahatana.

Yakobis 1:12

Anahatana mka irui iake osimo, hete sae oparisaa tanui ia-ia. Masike osinsaramo iae, mka irui iake osimo sirinia. Hete sae, oapamese anomo na oparisaa tanui sirinia. Anahatana mka irui iake osimo atieu rei sani ia wain iapataruna isupu untu sahoro isupu piala. Mka orui piala osiki. Omi iae, sani oparisaa sirinia, mka osupu piala oi. Mka oamahaimo rotu-tu ria supan okata Anahatana. Anahatana itotoe nea ata ia seia wain anoi runa Anahatana, mka iamahaiki ikatai rotu-tu ria supan.

Yakobis 1:16

Reiso wea kakau waniu hutu nohue wani anoku runamo. Pene otapi ia isa man na iakarotamo ata Anahatana ireata na ipalalosa.

Yakobis 1:19

Wea kakau waniu, hutu nohue wani anoku runamo. Anomo rapeka. Ita kahurae iatinu ia-ia samatoro ianamana. Pene anori rasaa rapu.

Yakobis 5:11

Anomo rapeka runa sio wason oapamese anoo rei. Iahata, “E-e. Iapamese rotu-tu Upuri irui iake osiki maa!” Sio oruni runa Ayub nea. Omi oatinu nea sapani na ia sinsarai ne iparisaa sirinia. Iapamese kuru anoi rotu-tu tau muie, Upuri irui iake osiki honu. Reiso oanei nea. Upuri anoi runata mainae rei, tea!