Yakobis 1:1 - Anahatana ne Anamanaya tau Sou Naunue

¹ Tapea osi omi Yahudiu wani oparisaa tau Yesus Kristus wani owena-wenamo sui tuniai reini pusiki. Au, Yakobis, sahoro ukanu surate reini. Au mo, Anahatana runa Upuri Yesus Kristus no manorine.

Yakobis 1:1 Iomraidhean Croise

Markus 3:18

Anreas, Pilipus, Bartolomeus, Matius, Tomas, Yakobis (amai tau Alpeus), Tadeus, Simon, ia wain inesi sio Romau na pene orime ita Israel,

Lukas 22:30

na orue okataku tau meya osa na iai ininu ikata umau. Na urui kawasa osimo na orime sio ipana hutusa rahana ua mai otoe Israel.”

Lukas 6:15

Matius, Tomas, Yakobis. Ia mo, amai tau Alpeus. Simon. Ia mo, ipenei tau sio rakana orime ne otoe.

Yohanis 12:26

Ia seia man wain ianori na Au mo, kahurae ipusuku sui supan. Sui supan mana Au noi rei, ia iae waimo rei oi. Ia seia man ianori na Au, mka Amaku iamuirai.

Yohanis 7:35

Oyo sio mainaya arihoni akama Yahudi rei pusiso oasau mai umau. Oahata, “Nanie ieui sui supan tu-tu ita mka isupui tewa? Kani nanie ieui sui niana-niana ikata sio Yahudiu wason orue oneka sio wason sio Yahudi tewa rei na iatuheteso te sae rei?

Atata 1:13

Ohoka roe Yerusalem oyo, ohokaso mai numa wani sio oararane tanui, samatoro osaaso roe kamar roe naue. Sio maisosia rei wason: Petrus, Yohanis, Yakobis, Andreas, Pilipus, Tomas, Bartolomeus, Mateos, Alpeus anai wain nanai Yakobis, Yakobis anai wain nanai Yudas, runa Simon. Ia rei ipenei tau sio rakana orime ne niane.

Atata 12:17

Petrus isopo tau hanai na oamaturuso, oyo isima runa sapani na Upuri iautunui rotu-tu ihokai rerihoni pui anoe rei. Oyo iahata, “Asima osi Yakobis runa rea kakau rea waniu tamena oi.” Oyo Petrus ieu iarihoni naniai rei, oyo ieui noi naniai tamene.

Atata 15:13

Sio osima pusi, oyo Yakobis, ia mainae tau sio wason oparisaa roe Yerusalem, iasau san rei, “Wea kakau, wea waniu! Masi oatinu tau au.

Atata 15:21

Sio oanei nea ata ita Yahudiu ipeneta tau rei. Tau sae, Musa ne maunauna waron rasopore, sio osima nnare sui osa potuina nea tau rania hataya waron ita Yahudiu iamuira Anahatana sui numa mananouna osi sio Yahudiu.”

Atata 15:23

Sio maisosia runa sio onata tau sio wason oparisaa okanu surate oi oyo oruiki osi ateso na ororiki. Sio okanu san rei, “Osi mania kakau, mania waniu wason sio Yahudiu tewa poe kota Antiokhia runa otoe Siria runa otoe Kilikia. Tapea on roe ami maisosia runa ami onata pusima.

Atata 2:5

Tau muie reini sio Yahudiu panesi ohokaso on noi niana pusire mai tuniai reini. Sio wason oararane mai kota Yerusalem. Sio rei opusu Anahatana ne maunauna.

Atata 21:18

Hanroe oyo, Paulus ieu ikatama nanie inoo Yakobis, ia mainae tau sio wason oparisaa. Sio onata tau sio wason oparisaa nesia rei wason oi.

Atata 23:26

“Au, Klaudius Lisias uatapea ano upuku, gubernur Peliks.

Atata 26:7

Sio Yahudiu rerihoni sio ipana hutusa rahana ua oainisi oainaa runa Anahatana tau onone tau ranie. Sio oparisaa ata mka Anahatana irui sae wani itotoe rei. Aikee, Aia Agripa, sio wason oamanaru au reini tau au oi uparisaa ata mka Anahatana irui sae wani itotoe rei.

Atata 8:1

Ohunui, oyo Saulus anoi iake. Ranie hatae rei oimo sio ouna sio wason oparisaa roe Yerusalem sinsaraso mainae nai osa. Reiso sio wason oparisaa rei oruma pusiso. Orumaso sui otoe Yudea runa otoe Samaria pusire. Hasae sio maisosia sahoro oruma tewa.

Pilipi 1:1

Osi Anahatana ne mansiau pusimo utumo wani oruemo pan kota Pilipi. Au, Paulus, sahoro ukanu surate reini. Timotius wain ikataku oi. Uama anori runa Kristus Yesus. Akanu surate reini osi pusimo utumo wani anomo osa runa Kristus Yesus. Ami iae akanu surate reini osi sio onata runa sio makahaia tau omi wani oparisaa pan kota Pilipi.

2 Timotius 4:21

Anina ia-ia na ahokaya mai samatoro musum mahatane. Ebulus, Pudes, Linus runa Klaudia oauwatu tapeae osia runa rea kakau rea waniu wason oparisaa pusiso.

Titus 1:1

Anaku Titus, Au, Paulus, ukanu surate reini. Au wani Anahatana ne manorine runa Yesus Kristus ne maisosie. Ihitiku na uakahai sio wason ininiso na ouna ne mansiau. Uakahaiso na oparisaai ia-ia. Ihitiku na sio oanei maunau titue waron rakahaiso oamahaiso ouna-una sae waron Anahatana ne suka man.