Rut 3:1 - Anahatana ne Anamanaya tau Sou Naunue

¹ Taue isa Naomi iasau osi ne mananue Rut. Iahata, “Anakku, nanie unooa ausahaya honu na pene resunia nea.

Rut 3:1 Iomraidhean Croise

1 Timotius 5:14

Reiso au uaunau sio pina uhanu honua na oausahaso honu, osusu, runa osaka no numa hutae na pene re nisau oruni nanari.

1 Timotius 5:8

Tau sae, munata ia isa iapiara ruai ne ipane tewa, erenesi rei, iapiara ruai ne hutua taue tewa, ia rei iauhaa sae waron ita iparisaa. Ia kahatene erenesi sio wason oparisaa tewa. Sio wason oparisaa tewa onoo runa no hutua taue runa no ipane.

Rut 1:9

Uainisi na hitio Yahweh iakahai uamo na osupu mo hanai tamena na okatamo honu.” Iasau san rei pusi oyo, imuki uaso. Oyo iauhaa uaso, ne Orpa runa Rut orani oasanoata.

Rut 2:23

Reiso Rut ikata-kata sio pinau wason oroma noi Boas ne nisi rei sui osa na iroma jelai oi rotu-tu gandum runa jelai nene nania pusire. Iruei ikata inai hanahanai sirinia.

Rut 3:2

Apakarian runa sio pinau wason opakarian osi Boas nea. Anei ata Boas mo, ita re kaka wani. Ia iae re mansia wain kahurae iakahaita rei oi. Tau mono repan nanie ieu irei jelai noi numa wani sio osaka oheta tau jelai na ramnahu arihoni nene kaia rei.