Pilipi 4:8 - Anahatana ne Anamanaya tau Sou Naunue

⁸ Isa honu, wea kakau waniu, hutu nohue. Oari-arinii runa sae waron pannuhu runa Anahatana ne hali, sae waron rapusu muiran manetane, sae waron pannuhu runa Anahatana ne maunauna, sae waron manisate onate, sae waron anori runare, sae waron mansiau no sukare, sae waron iaka mainae, sae waron iainaa runare. Ari-arinii pusire waron iaka mainae san rei.

Pilipi 4:8 Iomraidhean Croise

Markus 6:20

Ne Herodes inetei na pene ihunui. Iaisosi sio umau osaka Yohanis ia-ia na pene sio umau oakaremai. Tea mo, Herodes ikaitau Yohanis. Ianei ata Yohanis mo, anoi manisate. Ia manisate onate. Sani Yohanis iaunau mo, Herodes ne suka iatinu. Masike anoi resama-samai tau Yohanis ne maunauna rai iae, ne suka iatinu tanui sinia.

Lukas 16:15

Oyo Yesus iasau osiso, iahata, “Omi sahoro onina na mansia onoomo oamanisa, ne Anahatana ianei anomo! Sae mani mai tuniai reini waroni mansia onoore iake mo, Anahatana ipenei tanure.

Lukas 2:25

Tau rei ia isa wain nanai Simeon wairo Yerusalem oi. Ia mo, anoi manisate. Ipusu Anahatana ia-ia. Wain inapa-napa Anahatana iapuheu sio Israel pusu Ia Aia wain Anahatana Iratiki na Iapuheu Mansiau. Anahatana Ne Inaha ikata runai.

Lukas 23:50

Ia hanaie isa nanai Yusup. Ne kota nanae Arimatea. Kota rei mo, wapan otoe Yudea. Yusup mo, ia wain ne hali iake mainae. Iamanisa. Wain inapa-napa Anahatana irime ne mansiau. Ia mo, ia osa arihon sio ona Yahudiu. Ne ohunu Yesus mo, iamanaku tewa.

Yohanis 7:18

Ia sia wain iatuhete mansia pusu ruai ne pikiran, areimo hasae inina na mansiau oamuira ia man. Ne Au uatuhete maunauna waron rauna mansiau oamuira Amaku wain iaisosiku rei. Areimo retuhete ata Au mo, uakarota tewa. Reiso oparisaa tau we matuhetene iae, iake.

Atata 10:22

Iahata, “Kornelius, ia kapitane, iaisosima mai. Ia mo, anoi manisate. Iamuira Anahatana. Reiso sio Yahudiu pusiso oamuirai mainae. Anahatana ne maisosie on roe noiyaha wain ia manisate onate isa iaisosiki na iainisi ata ano aeua pan ne numa na iatinu tau me maunaune.”

Atata 22:12

Waini ia isa poe rei nanai Ananias. Iainaa runa Anahatana manisate. Ipusu Musa ne maunauna ia-ia. Sio Yahudiu pusiso wason orueso poe Damsyik oamuirai.

Atata 6:3

Reiso nene iake, omi oroma sio itu rerihoni omi reini. Roma sio wason oanei ata Anahatana Ne Inaha irui kawasa osiso nea. Kahurae oanei sae waron iaka, sae waron iaka tewa. Oyo ami ahitiso na onana tanei rei.

Pilipi 3:1

Wea kakau waniu, hutu nohue. Maunaune isa honu. Unina na anomo mirika. Tea mo, omi wani Upuri ne mansiau. Nanie ukanu honu rerihoni sae wani uasau osimo nea rei. Uhanamata uasau osimo tewa. Tea mo, au nanie usakamo arihoni sio wason oaunau pannuhu tewa.

1 Tesalonika 4:12

Ouna san rei na sio wason oparisaa tau Kristus tewa, mka oamuiramo. Ouna san rei na pene oeu ohori numau oainisi muaine.

1 Timotius 2:2

Oainisi na Anahatana iakahai sio aiau runa sio pusiso wason no kawasa tau omi. Oainisi na iamahaita iamaturuta. Iamahaita iuna sae waron Anahatana ne suka man runa iamuiraso.

1 Timotius 3:11

Sani rei honu runa no pinau. Kahurae sio bisa oamuiraso. Pene oruni mansia nanai. Kahurae oanei ruao runa sio bisa oparisaaso sui osa.

1 Timotius 3:4

Kahurae ianei iaisosi ne numa anoe taue na ne hehuka oatinu tanui runa oamuirai.

1 Timotius 4:12

Pene atapi ata ia isa iasau ata ano ikine tau ano honue asi. Ne auna siaie osi sio wason oparisaa na sio oanei kahurae oamahaiso sapan. Auna siaie pusu anamana iake, auna iake, anom runaso, aparisaa tau maunau titue, anom manisate.

1 Timotius 5:10

Kahurae sio pusiso oanei ata ne atata iaka sani iapiara ne hehuka iake rotu-tu okarihuruso. Ia ne suka iatarima sio wason ohokaso noi ne numa. Ianori runa Anahatana ne mansiau. Iakahai sio wason no susa. Iamauna inana tanei sae man wani iake.

1 Timotius 5:2

Auna sio pina onata sani inam. Auna sio pina honua sani mea hotau, tau anom manisate.

Titus 1:8

Ne ahiti ia wain anoi iake iatarima sio wason ohokaso noi ne numa, ia wain ne suka runa sae waron iaka, iapamese anoi, anoi manisate, ia manisate onate.

Titus 2:14

Irui ruai na imatai inete ita. Imatai na iusi re rosau. Imatai na irui kawasa osita na ipalalosa tewa nea. Irui ruai na imatai na ita iuna ne mansiau. Ne mansiau wani iamauna iuna iake.

Titus 2:2

Aunau sio hanaia wason okore-koreso na oanei ruao, oamahaiso manisate na sio pusiso oamuiraso, runa oapamese anoo. Aunauso na oparisaa ia-ia tau maunau titue, anoo runaso ia-ia, runa oapamese kani sio umau onesiso.

Titus 2:7

Tau pusire, ano ruam anom manisate sui osa na sio onoo, oyo oanei oamahaiso sapan. Atuhete runa anom manisate. Atuhete ano amuiraso.

Titus 3:14

Kahurae ita re mansiau wason oparisaa ouna sae waron iaka sui osa. Ouna iake na oakahai sio wason muaio tewa, no apia tewa. Pene rotu-tu sio reimo oamahaiso oakahai ia isa tewa.

Yakobis 1:27

Pusu Amari Anahatana, sani iakahai sio iki sioiu runa sio pina uhanu wason no susau, areimo ipusu ne maunauna ia-ia. Munata isaka ruari ia-ia na ihainau ruari arihoni kahatena waron mai tuniai reini, areimo ipusu ne maunauna ia-ia.

Yakobis 3:17

Ne sani Anahatana roe noiyaha sahoro iunamo oanei sae waron iaka, sae waron iaka tewa, on mataanoe opusu Anahatana anomo manisata, oatana runa umau tewa. Oatinu tau sio umau no maue na opusui. Anomo runa sio mosokinia. Oakahai ia seia man. Oamuira sio hikina mainaya pusiso utuso. Oakarota tewa.

1 Yohanis 3:18

We hehuka! Anori runa mansia mo, pene mai hohari man. Pene iausipu sou man. Ne anori runa mansia mo, kahurae iakahai umau ia-ia.

1 Yohanis 3:3

Reiso, ia seia wain iparisaa ata mka ne hali sani Kristus, areimo kahurae isaka ruai na pene ipalalosa, noo sani Kristus wain ipalalosa tewa.

1 Yohanis 4:1

We netau wan anoku runamo. Pene oparisaa tau sio pusiso wason oasau ata iaunaumo tau Anahatana Ne Inaha ne kawasa. Ne reaso naone na oanei ata kani osupu kawasa arihon Anahatana Ne Inaha te tewa. Tea mo, sio panesi wason oakarota ata sio mo, sio mamsima runa Anahatana ne maunauna wason oaunau sui tuniai reini pusiki nea.

Rut 3:11

Reiso, pene anom reuponu anaku. Tea mo, au mka una pusi sae waron ano aninare rei. Mansia pusiki mai ma kota reini oaneia nea ata ano mo, ano pina wani me hali iake.