Pilipi 4:7 - Anahatana ne Anamanaya tau Sou Naunue

⁷ Oanamana osi Anahatana na iuna anomo ramanu. Anomo rauponu tewa nea. Oparisaa tau Kristus Yesus reiso, mka Anahatana isaka anomo na ramanu. Masike osupu mtinte iae, anomo ramanu, reiso sio osira. Omi mo, omi mansia man reiso mka oanei tewa ata sapani na anomo ramanu.

Pilipi 4:7 Iomraidhean Croise

Lukas 1:79

Ihokai na iaunauso na oanei sapani na iapuheuso sani iuna ranie eresita osi sio wason orueso noi pumono na oanei arena. Ihokai na iaunau sio wason okaitau omataso. Sani ia isa iatuhete arena osita, mka iatuheteta ioi neta tau Anahatana.”

Lukas 2:14

“Mania Upu Anahatana. Ano wan roe noiyaha, roe naue mo, Ano mainae nai osa. Ano mo, ano iake tunne nai osa. Sio pusiso wason anom iake runaso mai tuniai reini oi neta tanua nea.”

Yohanis 14:27

Nanie ueu arihonimo, ne mka una anomo kaia. Una anomo kaia noo sani sio mai tuniai rein tewa. Reiso pene anomo rauponu. Pene okaitau.

Yohanis 16:33

Uasau raini pusire na anomo kaia noso anomo osa runa Au. Omi mo, mka sinsaramo mai tuniai reini. Ne omi mo, kahurae oapamese anomo. Tea mo, unesi sio wason onesiku mai tuniai reini nea.”

Pilipi 1:1

Osi Anahatana ne mansiau pusimo utumo wani oruemo pan kota Pilipi. Au, Paulus, sahoro ukanu surate reini. Timotius wain ikataku oi. Uama anori runa Kristus Yesus. Akanu surate reini osi pusimo utumo wani anomo osa runa Kristus Yesus. Ami iae akanu surate reini osi sio onata runa sio makahaia tau omi wani oparisaa pan kota Pilipi.

Pilipi 1:2

Uainisi tau Amari Anahatana runa Upuri Yesus Kristus osimo. Uainisi uahata, “Ama. Upuku Yesus. Masike sio Pilipi opalalosa iae, arui iake mainae osiso sirinia. Aunaso okarihuru oamahai.”

Pilipi 4:19

Anahatana wain uainaa runai ne sae man panesi nai osa. Reiso mka irui osimo na pene omosokinimo, pene omakaneamo. Kristus Yesus imatai ikatita, reiso mka irui osimo. Mka Anahatana iakahaimo pusu Kristus oi.

Pilipi 4:21

Uauwatu tapea osi Anahatana ne mansiau pusimo utumo noi rei, areimo ia seia man wain iparisaa tau Kristus Yesus. Rea kaka waniu wason oparisaa wason okataku mai rei oauwatu tapea osimo oi.

Pilipi 4:9

Osaka ruamo na oroma maunauna waron uaunaumo tanure reini oyo oparisaa tanre. Saka oroma we hali wani onooi nea reini. Oromare oyo Anahatana, wain iuna anori ramanu, mka ikata runamo.

2 Tesalonika 3:16

Ami ainisi tau Upuri ruai wain iunata ikarihuru iamahai, “Ama. Una sio Tesalonika okarihuru oamahai sui osa tau pusire. Akata runaso.”