Pilipi 4:5 - Anahatana ne Anamanaya tau Sou Naunue

⁵ Saka na sio pusiso onoo ata hutuamo manna. Upuri wain haineketa.

Pilipi 4:5 Iomraidhean Croise

Lukas 21:34

Yesus iasau osi ne mampusua ata, “Osaka ruamo ia-ia. Pene tu-tu sira tau uhokaku honu mo, omi wani pataparimo tau maise onata, oninu omukemo, na orue anomo rauponu na mo muaine mo apia. Tea mo, mka uhokaku honu mai tuniai reini, osira. Osira nooi sani maianane rei reasira heune.

2 Tesalonika 2:2

“Ama. Akahai sio Tesalonika na pene anoo rasama-samaso on sini. Pene anoo rauponu oatinu sio oasau oahata, ‘Upuri Yesus ihokai nea.’” Reiso masike sio umau oasau ata Anahatana Ne Inaha iatuheteso ata Yesus ihokai nea iae, pene anomo rauponu. Masike oasau ata sio oatinu ata ami asau ata ihokai nea iae, pene anomo rauponu. Masike sio oasau ata ami akanu tau surate ata ihokai nea iae, pene anomo rauponu.

Titus 3:2

Aunauso na pene oruni mansia nanai, pene otuntana, anoo manna runaso, runa oamuira sio pusiso.