Pilipi 3:10 - Anahatana ne Anamanaya tau Sou Naunue

¹⁰ Hasae unina na uationa Kristus ia-ia. Unina na usupu ne kawasa na upusui ia-ia. Ne kawasa wani isupui oni iamahaiki honu. Uamanaku kahi-kahiku rotu-tu umataku sani Kristus imatai noso au.

Pilipi 3:10 Iomraidhean Croise

Yohanis 10:18

Ia isa ihunu Au mo, tewa. Ne Au ruaku sahoro urui ruaku na sio ohunuku. Au we kawasa urui ruaku na umataku runa we kawasa uamahaiku honu. Amaku iaisosiku na una san rei.”

Yohanis 17:3

Mansia oamahaiso okataya rotu-tu ria supan mo, oationaya. Oationa Ano wan Anahatana wain manisate osa ruai. Na oationa Au, Yesus Kristus, wain Ano aisosiku uhokaku mai tuniai rein.

Pilipi 3:8

Upeneku tau pusire. Ne hasae unina na uationa Upuku Kristus Yesus ia-ia. Ia sahoro ia iake inesi pusire. Unina na uationai reiso, upesi pusire sani upesi ai ehuka. Tea mo, arai pusire sahoro raunaku tau Anahatana ne mansia tewa. Upesi pusire nea na anoku osa runa Kristus. Upesi pusire sahoro ereunaku tau Anahatana ne mansia.

1 Yohanis 2:3

Sani ita ipusu Anahatana ne maunauna, areimo ianei ata iationa Anahatana nea.

1 Yohanis 2:5

Ia seia man sahoro ipusu ne maunauna, areimo anoi runa Anahatana tau anoi pusiki. Munata ia isa iasau iahata, “Au mo, anoku osa runa Anahatana,” ia reimo, kahurae ne hali sani Yesus rei. Re hali sani Yesus mo, ianei ata ita mo, anori osa runa Anahatana.