Pilipi 2:8 - Anahatana ne Anamanaya tau Sou Naunue

⁸ Irati ruai. Areimo iatinu tau Anahatana rotu-tu irui ruai na sio ohunui. Ouna pumaai roe hini wani reniene rotu-tu imatai.

Pilipi 2:8 Iomraidhean Croise

Lukas 9:29

Yesus wain iainisi, sira tau uai anoe reneniki. Resita haai. Ne apia iae nooi rahehi sani isoe oi.

Yohanis 10:18

Ia isa ihunu Au mo, tewa. Ne Au ruaku sahoro urui ruaku na sio ohunuku. Au we kawasa urui ruaku na umataku runa we kawasa uamahaiku honu. Amaku iaisosiku na una san rei.”

Yohanis 14:31

Ne sio mai tuniai rein mo, kahurae oanei ata Au mo, anoku runa Amaku, na Au una sae wan iaisosiku na unai. Mai, na ieuta arihon reini.”

Yohanis 15:10

Sani opusu we maunauna, mka oanei ata anoku runamo. Au iae upusu Amaku ne maunauna na uanei ata anoi runaku.

Yohanis 4:34

Oyo Yesus iasau osiso, “Amaku Anahatana iaisosiku na upusu ne maue na una sae waron inina na Au unare. Uamahaiku na una san rei, areimo sani Au we muaina.

Atata 8:33

Orati osohiki ne ia isa inetei tewa. Imatai iarihoni tuniai reini, reiso ia seia mka iruni rerihoni nea upu?”

Titus 2:14

Irui ruai na imatai inete ita. Imatai na iusi re rosau. Imatai na irui kawasa osita na ipalalosa tewa nea. Irui ruai na imatai na ita iuna ne mansiau. Ne mansiau wani iamauna iuna iake.