Pilipi 1:1 - Anahatana ne Anamanaya tau Sou Naunue

¹ Osi Anahatana ne mansiau pusimo utumo wani oruemo pan kota Pilipi. Au, Paulus, sahoro ukanu surate reini. Timotius wain ikataku oi. Uama anori runa Kristus Yesus. Akanu surate reini osi pusimo utumo wani anomo osa runa Kristus Yesus. Ami iae akanu surate reini osi sio onata runa sio makahaia tau omi wani oparisaa pan kota Pilipi.

Pilipi 1:1 Iomraidhean Croise

Markus 13:34

Areimo sani ia isa ieui arihoni ne numa, oyo ieui hainau. Ia rei iaisosi ne manorina. Irui kawasa osiso na osaka ne numa rei. Sio pusiso osupu no taneiu. Iaisosi ia mamsaka mitanunue isakai ia-ia.

Yohanis 12:26

Ia seia man wain ianori na Au mo, kahurae ipusuku sui supan. Sui supan mana Au noi rei, ia iae waimo rei oi. Ia seia man ianori na Au, mka Amaku iamuirai.

Atata 1:20

Oyo Petrus iasau honu, “Ia sahoro ikanu Sura Kapatau ikanu san rei, ‘Tapi ne numa huie. Pene ia isa iruei tanui.’ Ikanu honu ata, ‘Tapi ia tamene isa ikatiki.’

Atata 20:28

Reiso osaka ruamo runa sio wason oparisaa pusiso. Anahatana Ne Inaha ihitimo na osakaso nea. Osaka sio wason oparisaa sani ia mamsakae isaka ne rompau. Sio ouna Anahatana ne mansiau pusu anai imatai.

Atata 9:13

Iahata, “Upu, au mo, uatinu sio panesi oruni-runi nea runa sapani na iuna ano me mansiau roe kota Yerusalem sinsaraso.

Pilipi 2:19

Uparisaa ata potuina tewa nea Upuri Yesus itapiku na uaisosi Timotius ieui noi tanumo. Mka ihokai noi tanumo samatoro iruni runa au osimo na pene anomo rauponu runaku. Iruni samatoro inuniki mai tanuku, isima runamo ata omi noi rei iake na pene anoku reuponu runamo oi.

Pilipi 2:5

Kahurae irati ruari na re hali sani Kristus Yesus ne hali. Areimo

Pilipi 3:12

Ne au uasau tewa ata au we hali sani Kristus Yesus ia-ia nea. Areimo we hali pannuhu runa Anahatana ne maue tewasi. Ne unina-nina na we hali sani Kristus. Tau Kristus Yesus iromaku na we hali sani ia ruai.

Pilipi 3:3

Oahata, “Anahatana ne mansiau, areimo kahurae orehiso.” Aikee ita sahoro Anahatana ne mansiau. Masike orehita tewa iae, Anahatana ne mansiau tanuta sirinia. Ita sahoro Anahatana Ne Inaha iakahaita na iainisi iainaa runa Anahatana. Ita sahoro ihete-hete Kristus Yesus nanai. Tea mo, ia sahoro iuna ita tau Anahatana ne mansiau. Anori tau monne wan sio ounai tau tinairi tewa.

Pilipi 3:8

Upeneku tau pusire. Ne hasae unina na uationa Upuku Kristus Yesus ia-ia. Ia sahoro ia iake inesi pusire. Unina na uationai reiso, upesi pusire sani upesi ai ehuka. Tea mo, arai pusire sahoro raunaku tau Anahatana ne mansia tewa. Upesi pusire nea na anoku osa runa Kristus. Upesi pusire sahoro ereunaku tau Anahatana ne mansia.

1 Tesalonika 1:1

Mania kakau, mania waniu wani oparisaa tau Yesus Kristus pan kota Tesalonika. Omi wani Amari Anahatana runa Upuri Yesus Kristus no mansiau. Au, Paulus, ukanu surate rei. Silas runa Timotius wason okataku oi. Ami ainisi tau Anahatana san rei, “Ama. Masike sio Tesalonika opalalosa iae, arui iake mainae osiso sirinia. Aunaso okarihuru oamahai.”

1 Tesalonika 2:2

Oanei sapani na naone sinsarama pan kota Pilipi. Omi oanei sapani na sio omakaniama. Ne masike sio ounama san rei, Anahatana iakahaima na pene akaitau. Reiso ahokama pan tanumo, oyo aunaumo tau Sou Iake rerihoni Yesus Kristus wani on roe Anahatana. Masike onesima, aunaumo sirinia.

2 Tesalonika 1:1

Mania kakau, mania waniu wani oparisaa tau Yesus Kristus pan kota Tesalonika. Omi wani Amari Anahatana runa Upuri Yesus Kristus no mansiau. Au Paulus ukanu surate rei. Silas runa Timotius wason okataku oi.

2 Tesalonika 1:10

Mka ihokai oyo iapasanaso san rei. Erelai umetene wani Anahatana ihetei oyo, ihokai na ne mansiau oainaa runai oasau oahata, “Ee. Mania Upu Yesus. Ano ahokaya nea. Arime tuniai reini nea. Ausi mani rosau nea. Reiso ami ainaa runaya.” Mka omi oi oainaa runai. Tau sae, omi oparisaa tau mani maunauna.

1 Timotius 1:2

Ukanu surate rei osia, Timotius, ano sani anaku susu tau ano aparisaa. Uainisi tau Amari Anahatana runa Upuri Kristus Yesus, “Ama. Upuku Yesus. Masike Timotius ipalalosa iae, orui iake mainae osiki sirinia. Anomo runai. Ounai ikarihuru iamahai.”

1 Timotius 3:8

Sani sio onata, sio makahaia osi sio wason oparisaa mo, kahurae sio bisa oamuiraso. Kahurae sio oruni katopue. Pene oninu panesi runa pene anoo runa kepen.

Titus 1:1

Anaku Titus, Au, Paulus, ukanu surate reini. Au wani Anahatana ne manorine runa Yesus Kristus ne maisosie. Ihitiku na uakahai sio wason ininiso na ouna ne mansiau. Uakahaiso na oparisaai ia-ia. Ihitiku na sio oanei maunau titue waron rakahaiso oamahaiso ouna-una sae waron Anahatana ne suka man.

Titus 1:7

Ia onate tau sio wason oparisaa inana Anahatana ne tanei reiso ahiti ia wain sio bisa oasau tewa ata ne isanae. Ahiti ia wain ihati ruai tewa runa ia wain anoi eresaa rapu tewa. Ahiti ia wain ininu panesi tewa runa ia wain iatana panesi tewa. Ahiti ia wain anoi runa kepen tewa.

Pilemon 1:1

Osi waniku, Pilemon, we neta wan anori runa Yesus sani au oi. Au, Paulus, wan ukanu surate reini. Ne au mo, au wan pui anoe noso usima runa Yesus Kristus. Ma wani, Timotius, wain ikataku oi. Iauwatu tapeae osimo oi.

Yakobis 1:1

Tapea osi omi Yahudiu wani oparisaa tau Yesus Kristus wani owena-wenamo sui tuniai reini pusiki. Au, Yakobis, sahoro ukanu surate reini. Au mo, Anahatana runa Upuri Yesus Kristus no manorine.