Lukas 9:8 - Anahatana ne Anamanaya tau Sou Naunue

⁸ Sio umau honu oahata, “Ia mamsima runa Anahatana ne maunauna wain nanai Elia rei ihokai mai tuniai honu.” Sio tamena umau honu oahata, “Ia isa arihoni sio mamsimana wason naone wain iamahaiki honu.”

Lukas 9:8 Iomraidhean Croise

Markus 6:15

Ne sio umau honu oasau ata, “Ia mo, Elia.” Sio umau honu oasau ata, “Ia mo, ia mamsima runa Anahatana ne maunauna isa sani sio mamsimana naone.”

Markus 8:28

Oahata, “Upu. Sio umau oasau ata Ano mo Yohanis ia mamsohue wain iamahaiki honu. Sio umau honu oasau ata Ano mo, Elia. Samatoro sio tamena umau honu oasau ata Ano mo, ia mamsima runa Anahatana ne maunauna isa.”

Lukas 9:19

Oahata, “Upu. Sio umau oasau ata Ano mo, Yohanis ia mamsohue wain iamahaiki honu. Sio umau honu oasau ata Ano mo, Elia, ia mamsima runa Anahatana ne maunauna. Samatoro sio tamena umau honu oasau ata Ano mo, Ano wan ia mamsima runa Anahatana ne maunauna isa on naone wain iamahaiki honu.”

Yohanis 1:21

Ouni oasei tanui honu. Oahata, “Munata sani rei mo, ano mo, ano seia? Ano reini mo, Elia si?” Iasau osiso, “Tewa! Au reini mo, Elia tewa.” Ne ouni oasei tanui honu. Oahata, “Pene tu-tu ano reini mo, ia mamsima runa Anahatana ne maunauna isa waini Anahatana itotoe runai nea rei te sae rei?” Yohanis iasau osiso honu. Iahata, “Au reini mo, ia mamsima runa Anahatana ne maunauna waini itotoe runai rei mo, tewa.”