Lukas 9:44 - Anahatana ne Anamanaya tau Sou Naunue

⁴⁴ Iahata, “Masi oatinu runa we anamanae reini ia-ia. Au Tumata Reini Anahatana Ihitiku mka oaheniku osi we nisau.”

Lukas 9:44 Iomraidhean Croise

Markus 8:31

Yesus iatuhete ne mampusua ata, “Kahurae Au, Tumata Reini mo, Anahatana Ihitiku mka sinsaraku panesi. Mka sio ona Yahudiu, sio imam no sio mainaya, na sio matuhete Musa ne maunauna openeso tanuku. Mka ohunuku, oyo onona ua, uamahaiku honu.”

Markus 9:31

Tea mo, nanie iatuhete ne mampusua ruao. Iahata, “Au, Tumata Reini mo, Anahatana Ihitiku, mka oaheniku osi we nisau, oyo ohunuku. Ne onona ua, oyo uamahaiku honu.”

Lukas 1:66

Sio pusiso oatinu sio wason osima rei oasei pan anoo, “Mka ia ikine rei iuna sae?” Tau Upuri iakahaiki ikata runai.

Lukas 18:31

Yesus ioi ne mampusua hutusa rahana ua na sio ruao man oyo iasau osiso. Iahata, “Nanie ieuta roe kota Yerusalem. Mka pusire waron Anahatana ne sio mamsima runa ne maunauna okanu rerihoni Au Tumata Reini Anahatana Ihitiku, mka pusire raeu roe rei.

Lukas 2:19

Ne Maria mo, anoi erepeka runa pusire sui osa. Ipikire tanure sui osa.

Lukas 2:51

Oyo Yesus inuniki poe nia Nasaret ikata inai runa amai. Iatinu tanso. Maria anoi erepeka-peka runa pusire pan anoi asi.

Lukas 24:44

Iasau osiso iahata, “Oni ukatamo asi mo, uasau osimo nea. Uasau ata Musa ne maunauna, Sura Kapatau, na sae waron sio mamsima runa Anahatana ne maunauna okanu rerihoni Au pusire mka raeu.”

Lukas 9:22

Kahurae Au Tumata Reini Anahatana Ihitiku mka sinsaraku panesi. Mka sio ona Yahudiu, sio imam no sio mainaya, na sio matuhete Musa ne maunauna openeso tanuku. Mka ohunuku, oyo onona ua oyo uamahaiku honu.”

Yohanis 16:31

Oyo Yesus iahata, “Reiso mato oparisaa ata Au mo, uhokaku on roe Anahatana si?

Yohanis 16:4

Mato uasau osimo nea na sani ouna sinsaramo mo, anomo rapeka ata Au uasau osimo nea. Uasau osimo naone tewa, tea mo, Au wan ukatamo asi.”

Yohanis 19:11

Oyo Yesus iahata, “Ano me kawasa mo, Anahatana sahoro iruiki osia. Reiso ano me kawasa tau Au, hasae sani Anahatana iruiki. Reiso ia wain iruiku osia sahoro ne rosa mainae renesi ano.”

Atata 2:23

Aikee orui Yesus osi sio umau ohunui, oyo omi otapi sio kahatena opakui roe hini wani renienei. Reiso omi ohunui. Ne areini erepusu Anahatana ne kaheute. Ianeiki naone.