Lukas 9:41 - Anahatana ne Anamanaya tau Sou Naunue

⁴¹ Oyo Yesus iasau osi sio panesi rei iahata, “Ee! Omi mo, masike. Omi napisi reini mo, oparisaa tewa. Mo haliu kahatena. Kahurae urue ukatamo rotu-tu inasa? Kahurae uapamesemo rotu-tu inasa?” Oyo iasau osi ia ikina rei amai iahata, “Autunu anam rei mai!”

Lukas 9:41 Iomraidhean Croise

Markus 10:14

Yesus iatinu san rei, anoi resaa. Iahata, “Tapi sio ikina rei na oeuso mai tanuku! Pene osoposo! Sio wason oparisaa resun tewa sani sio ikina reini mo, sio sahoro mka opusu tau Anahatana irime ne mansiau.

Markus 10:49

Yesus iatinu san rei, oyo iaraoo. Iahata, “Oiki mai.” Reiso sio ooi ia mata putie rei. Oata, “Apamese anom. Yesus wain ioia, hitio roe.”

Markus 9:19

Iahata, “Omi mo, masike. Omi napisi reini mo, oparisaa tewa. Kahurae urue ukatamo rotu-tu inasa? Kahurae uapamesemo rotu-tu inasa? Oautunu ia ikine rei mai.”

Lukas 8:25

Oyo Yesus iasau ata, “Oparisaa tau Au tewa ata mka uakahaimo tewa si?” Oyo pusiso okaitau na osira. Oasei mai umau. Oahata, “Ia onate reino mo, ia sia? Ihute na kolau man oo, ratinu tanui.”

Lukas 9:40

Uainisi arihoni me mampusua nea na onei sakahatene rei ne onei kuai tewa.”

Lukas 9:42

Ia ikine rei wain ihokai mai Yesus, sira tau sakahatene rei repesiki na poe tuamane. Reuna ne patane eremakakonai rotu-tu iamnohoi poe tuamane. Ne Yesus isopoi. Iahata, “Ahokaya arihoni ikine reino nea!” Rehokai oyo Yesus iasau osi ia ikine rei amai, iahata, “Mai anam reini.”

Yohanis 14:9

Ne Yesus iahata, “Pilipus ee. Ukatamo potuina rein nea rei! Ano mo, kahurae ationaku nea. Ia seia wain inoo Au nea, areimo inoo Amaku nea oi. Reiso ano nanie asau na uatuhete Amaku osimo tau sae?

Yohanis 20:27

Oyo iasau osi Tomas ata, “Tomas, mai na anoo we apata nahaya waron hanaku reini na akahuure na hanam nakata. Nusu hanam mai we apate nahae wan mai nusuku anae rein. Pene anom resama-samai, ne aparisaa!”

Atata 13:18

Isakaso pan otoe huie rotu-tu musum hutu ate.

Atata 2:40

Petrus iaunauso tau anamanaya panesi. Iaisosiso san rei, “Tapi Anahatana iapuheua na pene iapasanaya tau mka iapasana napisi sio wason no kahatene reini. Iapuheua na amahaia rotu-tu ria supan.”