Lukas 9:3 - Anahatana ne Anamanaya tau Sou Naunue

³ Iasau osiso iahata, “Pene orori sae man. Pene orori toka-toka te, tasi te, weka te, kepen te, papite tau okati. Orori hasae osa man.

Lukas 9:3 Iomraidhean Croise

Markus 6:7

Yesus ianaha na ne mampusua hutusa rahana ua rei. Pusiso oamanouso oyo iaisosiso oeu sana ua-ua. Irui kawasa osiso na onei sakahatena.

Lukas 12:22

Yesus asau osi ne mampusua. Iahata, “Reiso nanie uasau osimo. Pene anomo rauponu runa muaine onone ranie te api sae waron nanie opakere tau oamahaimo mai tuniai reini.

Lukas 12:28

Anahatana iuna monota waron raruhu inamatane sui wesie marainia. Aikee reruhu potuina tewa. Sira tau rahata rei ramataso, hanroe oakanupure. Reiso mka Anahatana irui apia osi omi na opakere. Oparisaa tau Anahatana ia-ia tewa tahae?

Lukas 22:35

Oyo Yesus iasei tau ne mampusua. Iahata, “Naone uaisosimo oeu oaunau sio niana-niana mo, usopomo na pene orori kepen, tasi maiinu apia, te sandali. Oni orori sae isa tewa areimo, oahana sani onina sae isa te tewa?” Pusiso oahata, “Tewa, Upu!”.

Lukas 3:11

Yohanis iahata, “Ia seia wain ne papita ua mo, kahurae irui isa osi ia wain ne papite tewa. Ia seia ne muaina mo, kahurae isama osi ia wain ne muaine tewa.”

Lukas 5:29

Taa san rei oyo, Lewi inana muaina na iuna nasae osi Yesus poe ne numa. Sio mainisi peau panesi runa sio umau oi orue oaiso okataso oi.

Lukas 9:4

Sani munata onusu pan numa isa, orue tau numa rei rotu-tu oeu oarihoni niane rei.

2 Timotius 2:4

Auna sani ia soratatue iamauna inana ne tanei man. Patapariki runa ruai ne atata tewa. Inana ne tanei man na ne kapitane anoi iake.