Lukas 8:37 - Anahatana ne Anamanaya tau Sou Naunue

^37-39 Pusi, oyo sio noi otoe Gerasa oasau osi Yesus. Oahata, “Upu! Aeua arihoni ma otoe rein nea!” Oasau sani rei, tau pusiso okaitau hunu ruao. Ne ia wain naone sakahatena ramasuniki rei iainisi arihoni Yesus. Iahata, “Upu! Ueu upusua oi kee!” Ne Yesus iasau osiki ata, “Pene nea! Nunia poe me numa na asima osi me mansiau rerihoni sapani na Anahatana iunaya iake nea reini.” Pusi oyo, Yesus sio osaa no arupae wan sinasi rei. Oyo, ia rei ieu iruni osi mansiau sui supan mani noi niane rei rerihoni Yesus inei sakahatena arihoniki rei.

Lukas 8:37 Iomraidhean Croise

Markus 5:17

Oyo pusiso oainisi tau Yesus ata, “Upu. Aeua arihoni ma otoe reini nea.”

Lukas 10:16

Oyo Yesus ianamana osi ne mampusua honu. Iahata, “Sani ia isa iatinu tau mo maunauna, areimo noo sani iatinu tau we maunauna. Ne sani ia isa iatarimamo tewa, arei iae noo sani iatarima Au tewa oi. Sani iatarima Au tewa areimo, iatarima Anahatana wain iratiku rei tewa oi.”

Lukas 5:8

Taa Simon, wain sio oiki tau Petrus oi, inoo san rei oyo isira. Irike tune iakapuni ain mai Yesus uai anoe iahata, “Upu. Au reini mo, upalalosa panesi. Reiso aeua arihoniku.” Ne neta mapaparia osira oi. Sio ua arihoni sio reimo, Yakobis runa Yohanis. Sabedeus ne hehuka. Oyo Yesus iasau osi Simon. Iahata, “Pene akaitau. On rahata reini mo, ano mka aeua anina ikae tewa nea. Ne mka aeua anina mansia na opusuku.”

Lukas 8:36

Oyo sio wason onoo pusire sinasi rei, oruni rerihoni Yesus inei sakahatena arihoni ia hanaie rei.

Lukas 9:5

Sani sio noi niane isa oatarimamo tewa, areimo oeumo arihoni niane rei. Taa nanie ohitio oeumo mo, oroho heu tapuna arihoni aimo atua na rerui kakinate osi sio rei ata Anahatana mka iapasanaso tau sio oatinu tau ne maunauna tewa.”

Lukas 9:56

Oyo pusiso ohitio oeuso poe nia tamene.

Atata 16:39

Reiso oeuso pan pui rei oripa koku tau uaso. Oyo oautunso ohokaso rerihoni pui anoe rei oai-ainisi na sio oeu oarihoni kota rei.