Lukas 8:35 - Anahatana ne Anamanaya tau Sou Naunue

³⁵ Osima, oyo pusiso ohokaso, nanie onoo. Hoka nau Yesus sio oyo osupu ia hanaie wain naone sakahatena ramasuniki rei. Onooi waimo iruei haineke Yesus ain. Iausahu apia nea na imuke tewa nea. Reiso pusiso okaitau.

Lukas 8:35 Iomraidhean Croise

Markus 5:15

Hoka nau oyo, onoo ia hanaie wain naone sakahatena ramasuniki rei. Onooi waipo iruei iausahu apia nea na imuke tewa nea. Reiso pusiso okaitau.

Lukas 10:39

Ia pina rei mo, wanin isa wain nanai Maria. Maria mo, iru-ruei poe Yesus ain atua iatinu ne anamanaya.

Lukas 15:17

Taa san rei mato ianei ruai oyo iasau pani anoi, ‘Amaku ne sio pakarian osupu muaina panesi tau oaiso rotu-tu no muaina nesia. Ne au wan umata muaine.

Lukas 2:46

Onona ua san rei samatoro osupui roe Anahatana ne numa mainisie nusue. Osupui mo, wairo irue ikata sio matuhetena. Irue iatinuso. Irue iasei-asei tau sio matuhetena rei.

Lukas 8:27

Noi otoe rei, ia hanaie isa wain sakahatena ramasuniki. Sakahatena saka ranesa-nesai potuina nea. Reiso sio noi otoe rei okanihoo ain atui runa hanai atua tau rante. Ne, masike osakai sui osa iae, iuna roha ranteu rai sirinia. Oyo sakahatena raroriki noi otoa waroni huia. Reiso irue mosa noi numa anoe tewa nea. Naone irue ria kota Gerasa ne tewa nea. Saka iruei sui kupuro. Iausahu papite na taka tewa potuina nea oi. Taa Yesus isipu ria kaimenne oyo ia hanaie waini sakahatena ramasuniki rei ieui mai Yesus. Hoka mai, oyo Yesus iaisosi sakahatena rai. Iahata, “Ohokamo!” Taa inoo Yesus, iakapona oyo irike tunne mai Yesus uai anoe. Ne sakahatena rai raasau na nioa mainaya. Raahata, “Yesus, Anahatana Wain Ia Mainae Anai, nanie amunaku? Uainisi tau Anahatana nanai, pene auna sinsaraku.”

Lukas 8:34

Sio mamsaka hahu rai onoo sani rei, oyo oruma osima osi sio ria niane runa sio sui nisiu.

Atata 22:3

“Au mo, au Yahudi. Uamrae poe nia Tarsus poe otoe Kilikia. Ne au mo, au mainae mai kota Yerusalem reini. Gamaliel iatuheteku tau Musa ne maunauna waron isupure pusu rea upu. Upusu maunauna rai ia-ia. Urui ruaku na unana tanei osi Anahatana sani omi mai rei ranie hatae reini.

1 Yohanis 3:8

Ne ia seia wain ipalalosa, areimo iuna ia aia sakahatene anai. Tea mo, on Anahatana ihaye tau tuniai reini, ia aia sakahatene saka ipalalosa. Reiso Anahatana Anai ihokai mai tuniai reini na iuna puta sae waron ia aia sakahatene iunare rei.