Lukas 8:2 - Anahatana ne Anamanaya tau Sou Naunue

² Sio pinau umau wasomo okataso oi. Sio pinau rei mo, sio umau Yesus isuiseneso, sio umau honu inei sakahatena arihoniso nea. Sio pinau rei mo: Maria wain sio ooiki tau Magdalena. Tea mo, ia ne niane nanae Magdalena. Ia iae, Yesus inei sakahatena itu arihoniki nea oi.

Lukas 8:2 Iomraidhean Croise

Markus 16:1

Ranie hatae wan sio Yahudiu oamuira Anahatana renikui nea, oyo Salome, Maria (arihon nia Magdalena) na Maria (Yakobis inai) tonso oeuso ohane mina hau rihue nanie osonai roe Yesus tinain.

Markus 16:9

Yesus iamahaiki honu tau omnano tunne tau ranie hatae mataanoe arihon minku unue rei. Mataanoe mo, iatuhete ruai osi Maria, ia pina Magdalena. Ia mo, naone Yesus inei sakahatena itu arihoniki.

Lukas 23:27

Sio panesi iae oeu pusu-pusui hae muie oi. Sio pinau umau wasumo oi. Sio pinau rei mo, orani oapunoko Yesus.

Lukas 23:49

Ne Yesus ne netau mo, ooso oasumata on hainau man. Sio pinau wason oeu pusui on poe otoe Galilea rei iae ooso oasumata on hainau man.

Lukas 23:55

Sio pinau wasoni opusu Yesus on pani otoe Galilea rei oeu pusu Yusup hae totui. Reiso onoo Yesus ne kupuro na onoo oaunutu Yesus tinain hatai pani kupuro rei sapan.

Lukas 8:30

Pusi, oyo Yesus iasei tanui, iahata, “Nanam sia?” Iahata, “Au mo, nanaku ‘Panesi’.” Iasau sani rei tau sakahatena panesi nai osa ramasuniki nea.

Yohanis 19:25

Tau rei, Yesus inai, inai wanin, Klopas sahai wain nanai Maria, na Maria on pan nia Makdalena pusiso wasumo ooso haineke Yesus ne hini rei.

Atata 1:14

Sio oamanouso na oainisi tau Anahatana sui osa sio anoo osa. Oamanouso runa sio pinau umau sani Yesus inai wain nanai Maria. Yesus nea waniu okataso oi.