Lukas 7:6 - Anahatana ne Anamanaya tau Sou Naunue

⁶ Iatinu san rei reiso ieu ikataso. Taa nanie ohaineke ia kapitane ne numa nea, ia kapitane rei iaisosi ne netau umau na oasau osi Yesus ata, “Upu! Pene unum reina tau aeua mai we numa nea. Tea mo, au reini mo, au sia na nanie uapusaaya mai we numa?

Lukas 7:6 Iomraidhean Croise

Markus 5:24

Reiso, Yesus ieu ikata Yairus. Sio panesi rei opusu Yesus oi. Sio rei oesei on ria, on nau.

Lukas 5:8

Taa Simon, wain sio oiki tau Petrus oi, inoo san rei oyo isira. Irike tune iakapuni ain mai Yesus uai anoe iahata, “Upu. Au reini mo, upalalosa panesi. Reiso aeua arihoniku.” Ne neta mapaparia osira oi. Sio ua arihoni sio reimo, Yakobis runa Yohanis. Sabedeus ne hehuka. Oyo Yesus iasau osi Simon. Iahata, “Pene akaitau. On rahata reini mo, ano mka aeua anina ikae tewa nea. Ne mka aeua anina mansia na opusuku.”

Lukas 7:4

Taa ohokaso noi Yesus oainisi runa anoo pusire ata, “Ama! Sani akahai ami ma ia kapitane mo, iake.

Lukas 7:5

Areimo, tau ia mo, anoi runa ita Yahudiu. Ia iae, iakahaima tau apuoo ma numa mananoune rei oi.”

Lukas 7:7

Reiso uanei ata au iae ueuku noi tanua iae iake tewa. Reiso pene aeua mai nea. Ne asau me sou otoe isa mani na we maniane reini iake.

Lukas 8:49

Yesus waini ianamana osi ia pina rei asi, sira tau ia isa ihokai on pan Yairus, ia onate wain sinasi rei, ne numa. Iasau osi Yairus ata, “Upu! Anam pina watipusi nahai nea. Reiso pene auna apaputa ia matuhetene reino nea.”

Atata 10:38

Oanei nea ata Anahatana ihiti Yesus, ia Nasaret rei nea. Oanei ata irui Ne Inaha osiki reiso isupu kawasa. Ieu ihori sui supan-supan iuna iake. Isuisene sio pusiso wason ia aia sakahatene iakarotaso. Tau sae, Anahatana ikata runai.

Yakobis 4:10

Oamanaku ata Upuri mo, Ia mainae. Ne omi mo, omi ikina. Oamanaku ata omi ikina, oyo Upuri mka ihitimo na ouna mainae.

Yakobis 4:6

Ne masike ipalalosa iae, Anahatana irui iake mainae osita sirinia. Reiso ne anamanaya raasau, “Anahatana inesi sio wason ouna ruao sio mainaya. Ne sio wason orati ruao, areimo masike opalalosa iae, irui iake mainae osiso sirinia.”