Lukas 7:50 - Anahatana ne Anamanaya tau Sou Naunue

⁵⁰ Pusi, oyo Yesus iasau osi ia pina rei ata, “Ano aparisaa tau Au reiso uapuheua na pene Anahatana iapasanaya. Eua noi. Uainisi na Anahatana iunaya akarihuru amahai.”

Lukas 7:50 Iomraidhean Croise

Markus 10:52

Iahata, “Aparisaa tanuku, reiso wan usuisenea nea.” Sira tau ia mata putie rei inoo mosa. Ieu ipusu Yesus sui arena rei.

Markus 5:34

Reiso, Yesus iasau osiki ata, “Anaku. Aparisaa tanuku, reiso me kupue rei iake rei sinia. Aeua noi, akarihuru amahai. Mka asupu kupue rei tewa nea.”

Lukas 17:19

Oyo iasau honu osi ia hanaie rei. Iahata, “Hitio roe na anunia. Ano aparisaa tanuku reiso Anahatana isuisenea nea.”

Lukas 18:42

Yesus iahata, “Anoo mosa! Aparisaa tanuku, reiso wani usuisenea.”

Lukas 7:9

Taa Yesus iatinu sae wani ia kapitane rei iasau rei, isira nai osa. Oyo iuni iasau osi sio panesi rei iahata, “Oatinu ia-ia! Ia reini mo, ia Israel tewa, ne iparisaa tau Au nai osa erenesi omi Israel.”

Lukas 8:18

Reiso saka oatinu ia-ia. Ia sia mani wain anei we maunauna nea, mka Anahatana ihuka anoi na ianei renesi honu. Ne ia sia waini ianeire tewa, mka Anahatana inea sae waron iata kani ianeire rei.”

Lukas 8:42

Tea mo, anaku pina waipo ikupui mtinte haineke imatai nea.” Anai pina osa mtola mani. Ia ikine pina rei mo, kani ne musum hutusa rahana ua san rei nea. Reiso Yesus ieu ikata Yairus poe ne numa. Wason oeu, mansia panesi oneteso rotu-tu oeseso.

Lukas 8:48

Yesus iasau osi ia pina rei. Iahata, “Anaku! Aparisaa tanuku, reiso me kupue rei iake sirinia. Aeu noi, akarihuru amahai.”