Lukas 7:34 - Anahatana ne Anamanaya tau Sou Naunue

³⁴ Ne Au, Tumata Reini, Anahatana Ihitiku mo, uai na uninu. Ne omi oasau ata, ‘Masi onoo. Ia tai onate. Ininu panesi. Ioi neta runa sio mainisi peau na sio palalosa tamena.’

Lukas 7:34 Iomraidhean Croise

Lukas 11:37

Yesus ianamana osi sio panesi, oyo ia onate arihoni akama Yahudi isa ioiki na ieui poe iaiki poe ne numa. Reiso Yesus ieui poe iaiki poe ne numa.

Lukas 14:1

Taue isa, pannuhu ranie hatae wan sio Yahudiu oamuira Anahatana, Yesus ieu iaiki noi ia mainae isa ne numa. Ia mainae rei mo, ia wain ia onate arihoni akama Yahudi isa. Sio onata wasoni noi rei oasu-asumata Yesus na otarukirai ia-ia.

Lukas 15:2

Ne sio onata arihon akama Yahudi runa sio matuhete Musa ne maunauna umau oamum ananaso. Oahata, “Ikata sio palalosaya. Orue oaiso okata umau.”

Lukas 19:7

Ne sio wason onoo rei, oamum ananaso. Oahata, “Ira oe! Ieui poe, iruei poe ia palalosae ne numa!”

Lukas 5:29

Taa san rei oyo, Lewi inana muaina na iuna nasae osi Yesus poe ne numa. Sio mainisi peau panesi runa sio umau oi orue oaiso okataso oi.

Lukas 7:33

Omi iae openemo tau Au na Yohanis oi. Tea mo, Yohanis ia mamsohue ihokai mo, iai muaina waron onon ranie iaire mo, tewa. Irui ruai osi Anahatana reiso iai poroti tewa, ininu tihu anggur tewa. Omi oasau ata, ‘Iauwena runa sakahatene.’

Lukas 7:35

Ne, sani ita nanie ianei Anahatana waini ianei sae waron iaka runa sae waron iaka tewa mo, inoo pusu sio wasoni oparisaa tau Anahatana no atata. Sio mo, omaha ia-ia reiso oanei ata sae waroni Yohanis runa Au aunare mo, titue.”

Lukas 7:36

Ia onate arihoni akama Yahudi isa ianaha runa Yesus sio na oaiso poe ne numa. Ia rei mo, nanai Simon. Reiso Yesus ieui poe Simon ne numa oyo irue iaiki.

Yohanis 12:2

Sio poe niane rei ouna nasa mainae tau nanie oamuira Yesus. Marta sahoro ireha muaina rai, oo Lasarus ikata sio wason orue oaiso okata Yesus.

Yohanis 2:2

Yesus runa ami, ne mampusua iae, sio oima tau ahokama tau karisaa rei oi.