Lukas 7:27 - Anahatana ne Anamanaya tau Sou Naunue

²⁷ Ia mamsima runa Anahatana ne anamanaya isa ikanu rerihoni Yohanis mamsohue tau Anahatana ne anamanaya nea.” Anahatana iasau ata, “Au mka uaisosi we ia mamsimane isa ianaonea. Ia mka iseka tau mansia anoo noo sani oseka tau arena osi aia na inikui noi arena rei.

Lukas 7:27 Iomraidhean Croise

Lukas 1:76

“Anaku, mka sio oaoia tau ano mamsima runa Anahatana wain Ia Mainae nai osa ne maunauna. Ano mka anaone arihoni Upuri na aunauso na oatinu tanui iake, sani aseka tau arena osiki na ieu sui arena reimo, iake.

Lukas 7:26

Ne oeumo pani rei nanie onoo sia? Nanie onoo ia mamsima runa Anahatana ne maunauna tea! Titue! Yohanis mo, ia mamsima runa Anahatana ne maunauna wain inesi sio mamsima runa Anahatana ne maunauna wason oanaonei.

Lukas 7:28

Oatinu ia-ia! Rerihoni omi pusimo wani oamrae mai tuniai reini mo, ia sia man inesi Yohanis tewa. Ne muie reini, ia sia sahoro ikata Anahatana tau irime ne mansiau, masike ia mo, ia ikine mani, ia mo, ia mainae. Ia reimo inesi Yohanis.”

Yohanis 1:23

Yohanis iasau osiso rerihoni Yesaya ne anamanae isa. Yesaya mo, naone ia mamsima runa Anahatana ne maunauna isa. Yesaya ikanu ata, “Au reini mo, au wani uhatae osi mansiau pani otoe huie runa nioku mainae ata, ‘Seka tau anomo sani sio seka tau arena osi Upuri na inikui.’”