Lukas 7:16 - Anahatana ne Anamanaya tau Sou Naunue

¹⁶ Sio pusiso wasoni noi rei osira. Oyo oainaa runa Anahatana. Oasau ata, “Ia mamsima runa Anahatana ne maunauna isa wain ne kawasa mainae wain ihokai mai tanuta nea.” Sio umau honu oasau ata, “Anahatana waini ihokai na iakahai ne mansiau, ita reini.”

Lukas 7:16 Iomraidhean Croise

Lukas 1:65

Sio pusiso wason orueso sui numa nusue rei osira hunu ruao. Osima runa rei sui pupua Yudea pusiki.

Lukas 1:68

“Upuku Anahatana. Upuku iake tunne nai osa reiso uainaa runaya. Upu mo, Anahatana wani ami Israel ainaa runaya. Tau sae? Upu akahaima. Akahai me mansiau nea. Ausi mani rosau nea.

Lukas 19:44

Mka ouna watikohu mo kota rei oyo ohunu pusimo wamo kota rei. Omi mainaya na mo sio ikina. Mo kota rei mka rotu-tu rehasa na tuamane. Araini pusire mka rayari, areimo tau Anahatana irati Au, Aia wan Ihitiku na Uapuheu Mansia. Iratiku ne oationaku tewa.”

Lukas 2:20

Sio mamsakaya rei onunso pan naniao wani osaka-saka no rompau rai oai-ainaa runa Anahatana. Oahata, “Mania Upu Anahatana. Ami ainaa runaya tau Ano mo, Ano iake tunne nai osa. Ano aisosi me maisosie rei isima runa ia ikine rei osima. Ami aeuma poe tanui nea. Asupui pannuhu runa me maisosie rei iasau rei.”

Lukas 24:19

Yesus iahata, “Sou anamana sae?” Ia rei iahata, “Sou wan rehete rerihoni Yesus, Ia kota Nasaret rei. Ia mo, ia mamsima runa Anahatana ne maunauna isa. Iatuhete tumatau na iuna sima-simana nita-nitaya tau ne kawasa. Sio mansiau na Anahatana iae anoo sanan nnai.

Lukas 5:26

Mansia hutue rei pusiso osira hunu ruao. Osira reiso oainaa runa Anahatana. Oahata, “Ira oe! Rahata reini matoro ami anoo sima-simane wan mainae nai osa reini!”

Lukas 5:8

Taa Simon, wain sio oiki tau Petrus oi, inoo san rei oyo isira. Irike tune iakapuni ain mai Yesus uai anoe iahata, “Upu. Au reini mo, upalalosa panesi. Reiso aeua arihoniku.” Ne neta mapaparia osira oi. Sio ua arihoni sio reimo, Yakobis runa Yohanis. Sabedeus ne hehuka. Oyo Yesus iasau osi Simon. Iahata, “Pene akaitau. On rahata reini mo, ano mka aeua anina ikae tewa nea. Ne mka aeua anina mansia na opusuku.”

Lukas 7:15

Sira tau ia iki hehuke rei ihanui oyo iruei ianamanai. Pusi, oyo Yesus ikatai noi inai.

Lukas 7:39

Ia onate waini ianaha runa Yesus rei inoo sae wani ia pina rei iunai osi Yesus rei. Oyo ianamana pani anoi. Iahata, “Munata ia reini mo, Anahatana ne ia mamsima runa ne maunauna mo, kahurae ianei ata ia pina waini iakahuui reini mo, ia pina wan ne hali sapan. Kahurae ianei ata ia pina numa naue.”

Lukas 8:37

Pusi, oyo sio noi otoe Gerasa oasau osi Yesus. Oahata, “Upu! Aeua arihoni ma otoe rein nea!” Oasau sani rei, tau pusiso okaitau hunu ruao. Ne ia wain naone sakahatena ramasuniki rei iainisi arihoni Yesus. Iahata, “Upu! Ueu upusua oi kee!” Ne Yesus iasau osiki ata, “Pene nea! Nunia poe me numa na asima osi me mansiau rerihoni sapani na Anahatana iunaya iake nea reini.” Pusi oyo, Yesus sio osaa no arupae wan sinasi rei. Oyo, ia rei ieu iruni osi mansiau sui supan mani noi niane rei rerihoni Yesus inei sakahatena arihoniki rei.

Lukas 9:19

Oahata, “Upu. Sio umau oasau ata Ano mo, Yohanis ia mamsohue wain iamahaiki honu. Sio umau honu oasau ata Ano mo, Elia, ia mamsima runa Anahatana ne maunauna. Samatoro sio tamena umau honu oasau ata Ano mo, Ano wan ia mamsima runa Anahatana ne maunauna isa on naone wain iamahaiki honu.”

Yohanis 1:21

Ouni oasei tanui honu. Oahata, “Munata sani rei mo, ano mo, ano seia? Ano reini mo, Elia si?” Iasau osiso, “Tewa! Au reini mo, Elia tewa.” Ne ouni oasei tanui honu. Oahata, “Pene tu-tu ano reini mo, ia mamsima runa Anahatana ne maunauna isa waini Anahatana itotoe runai nea rei te sae rei?” Yohanis iasau osiso honu. Iahata, “Au reini mo, ia mamsima runa Anahatana ne maunauna waini itotoe runai rei mo, tewa.”

Yohanis 1:25

Oasei tau Yohanis oi. Oahata, “Sani munata ano reini mo, Aia wain Anahatana Ihitiki na Iapuheu Mansiau tewa. Ano mo, Elia tewa. Ano mo, ia mamsima runa Anahatana ne maunauna isa waini itotoe runai nea rei tewa. Reiso, sapan na asohuso na mansiau oanei ata oarihoni no rosau nea?”

Yohanis 4:19

Iahata, “Upu. Wan mato uanei ata Ano mo, Ia mamsima runa Anahatana ne maunauna.

Yohanis 6:14

Sio panesi rei onoo sima-simane wan retuhete ata Yesus ne kawasa arihon Anahatana wan iunai rei oyo oahata, “Titue-tue! Ia reini mo, ia mamsima runa Anahatana ne maunauna wain Anahatana itotoe runai nea ata mka ihokai mai tuniai.”

Yohanis 9:17

Oyo oasau osi ia wain naone matai raputiso rei. Oahata, “Ano sahoro isuisenea. Reiso pusu ano ruam mo, ia onate rei mo, ia seia?” Oyo iahata, “We amau. Sani pusu au ruaku mo, ia onate rei mo, ia mamsima runa Anahatana ne maunauna.”

Atata 5:5

Ananias iatinu tau rei, oyo iamnohoi imatai. Reiso sio pusiso wason oatinu tau rei, okaitau hunu ruao.

Atata 7:37

Musa reini sahoro iasau osi sio Israel, ‘Anahatana mka iaisosi ia mamsima ne anamanaya osimo rerihoni ruamo mo mansiau. Ia rei, sani au. Mka iapuheumo na oamahaimo rotu-tu ria supan.’