Lukas 6:8 - Anahatana ne Anamanaya tau Sou Naunue

⁸ Ne Yesus ianei anoo. Reiso iasau osi ia wain hanai wanane erematai rei. Iahata, “Ahitioa na aeu mai. Ooa mai uae reini!” Reiso ia rei ihitioi iooi pan uae.

Lukas 6:8 Iomraidhean Croise

Markus 3:3

Oyo Yesus iasau osi ia wain hanai rematai rei. Iahata, “Aeu mai na ooa mai uae reini.”

Lukas 13:12

Taa Yesus inooi san rei, iahata, “Ano pina onate. Masi aeu mai uae. Usuisene me kupue rei nea!”

Lukas 5:22

Ne Yesus ianei anoo. Reiso iahata, “Nanie oarinii pan anomo san rei tahae?

Lukas 6:9

Oyo Yesus iasei tau sio onata arihon akama Yahudi runa sio matuhete Musa ne maunauna. Iahata, “Sani pusu Musa ne maunauna mo, iuna sae tau ranie hatae wan ita Yahudiu iamuira Anahatana sahoro iake? Iuna iake te iuna kahatene? Iakahai mansia na iamahaiki te itapiki na imatai?”

Yohanis 2:25

Ianei mansia anoi, mansia ne hali nea. Reiso inina ia isa tewa na isima rerihoni mansia mo, tewa.

Yohanis 21:17

Ita Yesus iasei tau Petrus nai osa honu. “Simon, Yohanis anai. Ano mo, anom runa Au te tewa?” Iatinu san rei oyo anoi rekahate pusiki. Tea mo, Yesus iasei tanui nai tonu nea ata anoi runai te tewa. Oyo iasau osi Yesus ata, “Upu, Ano anei pusire. Anei ata au mo, anoku runaya.” Ita Yesus iasau osiki honu ata, “Munata san rei mo, apiara we mansiau wason oparisaa tanuku ia-ia, noo sani ia mamsaka rompau iapiara ne rompau.

Yohanis 9:4

Oni Au wan tuniai reini asi, Au sahoro una mansiau oationa Anahatana. Reiso Au sani manahane. Manahane reuna mansia onoo sae wan noi pumono. Reiso oni manahane asi, Ita mo, kahurae ipakarian pusu Amaku wain iaisosiku ne maue. Tea mo, sani nanie imatata, areimo sani pumono nea oyo sia man mka ipakarian tewa nea.”

Atata 20:24

Ne ukaitau tewa rerihoni mka umataku. Hete nanie unana we tanei pusiki wani usupui on roe Upuri Yesus. We tanei rei, areimo usima runa Sou Iake rerihoni sapani na Anahatana irui iake mainae osiso.

Atata 26:26

Aia Agripa ruai ianei ata au wani uasau rerihoni Yesus titue. Reiso tau ia aia Agripa ianei nea rerihoni sae waron uasau rei, uanamana umoni tewa. Au uanei ia-ia ata ianei pusire rerihoni Yesus. Ianei oi ata sio ouna sani uasau rei osi Yesus, oauhuniso tewa. Ounai mai manahane.

Pilipi 1:28

Unina na uanei ata osoposo okaitau tewa nai osa. Okaitau tewa reiso mka sio wason onesimo rei oanei ata mka omataso, orue hainau arihoni Anahatana tau Anahatana ipenei tanso. Ne omi mo, okaitau tewa. Oanei ata Anahatana sahoro iapuheumo na oruemo okatai rotu-tu ria supan.